Rayon Sport na APR FC ziguye miswi

Umukino w’amateka muri shampiyona y’icyiciro cya mbere mu Rwanda wahuzaga Rayon Sport na APR FC, urangiye amakipe yombi anganyije 0-0.

Kuri uyu wa gatandatu, kuri Stade ya Kigali i Nyamirambo haberaga umukino w’umunsi wa 19 wa shampiyona wari wahuruje imbaga nyamwinshi bijyanye n’amateka uyu mukino ufite. Umukino ubanza APR FC yari yatsinze Rayon Sport ibitego 2-1.

Umukino watangiye Rayon Sport iri hejuru ya APR FC mu kwataka izamu, ariko uko umukino wakomezaga APR FC nayo yanyuzagamo igasatira izamu rya Rayon Sport.

Mu gice cya kabiri amakipe yombi yagerageje gusatirana, ari nako yirinda kwinjizwa igitego, Umukino urangira ari 0-0.

APR FC yahise iguma ku mwanya wa mbere n’amanota 41, naho Rayon Sport igira amanota 33.

Undi wa shampiyona wabaga, Espoir FC yanganyije na Musanze FC igitego 1-1.

Ku cyumweru, tariki ya 27 Gashyantare 2022, hategerejwe imikino ibiri irimo uzahuza Kiyovu Sport na Gicumbi FC kuri Stade ya Kigali, ndetse nundi uzahuza Etincelles FC na Etoile de l’Est kuri Stade Umuganda.


Rayon Sport na APR FC zaherukaga kunganya 0-0 muri shampiyona mu mwaka wa 2015

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO