Rayon Sport yasinyishije abakinnyi batatu bashya

Kuri uyu wa kabiri tariki 01/02/2022, ikipe ya Rayon Sports yatangaje ko yasinyishije abakinnyi batatu bashya barimo Ishimwe Kevin ukina asatira izamu, Bukuru Christophe ukina hagati mu kibuga, na rutahizamu Mael Dindjeke ukomoka muri Cameroon.

Aba bose bazatangira kuyikinira mu mikino yo kwishyura ya shampiyona izatangira tariki 12/02/2022.

Ishimwe Kevin agarutse muri Rayon Sports yigeze gukinira, nyuma yo gutandukana na Kiyovu Sport, uyu mukinnyi kandi yakiniye n’andi makipe atandukanye hano mu Rwanda arimo Pépinière, Sunrise, ndetse na APR FC. Kevin akaba yasinyiye Rayon Sports amasezerano y’amezi atandatu.

Ishimwe Kevin yagarutse muri Rayon Sport.



Iyi kipe ya Rayon Sport kandi yasinyishije Bukuru Christophe nawe wigeze kuyikinira gusa akaza kuyivamo yerekeza muri APR FC yaje kumusezerera ashinjwa imyitwarire. Uyu mukinnyi akaba yaramaze umwaka urenga atagaragara mu mupira w’u Rwanda.

Bukuru Christophe nawe yagarutse muri Rayon sport.



Undi mukinnyi ikipe ya Rayon Sports yasinyishije ni rutahizamu Mael DINDJEKE ukomoka muri Cameroon, akaba yakiniraga ikipe yitwa Bamenda FC ikina shampiyona y’icyiciro cya mbere muri Cameroon.


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO