Rayon Sport yatangiye nabi mu mikino yo kwishyura ya Shampiyona, Gasogi United yitwara neza, Kiyovu Sport itsinda bigoranye

Kuri uyu wa gatandatu Tariki ya 12 Gashyantare 2022, hatangiye imikino yo kwishyura ya ’Primus National League’ nyuma yuko imikino ibanza isojwe.

Wari umunsi wa 16 wa Shampiyona, aho kuri uyu munsi habaye imikino itatu naho ejo hategerejwe indi mikino itanu.

Mu mikino yabaye kuri uyu munsi, Rayon Sport yatsinzwe na Mukura igitego kimwe ku busa, cyatsinzwe na Opoku Mensah kuri Penaliti yinjije ku munota wa 81.

Uyu mukino wabereye kuri Sitade Huye witabiriwe na Jose Mari Bakero umaze iminsi mu ruzinduko hano mu Rwanda, aho yari kumwe n’Umunyamabanga mukuru wa FERWAFA, Henry Muhire, ndetse na Komiseri ushinzwe iterambere ry’umupira w’amaguru muri iri shyirahamwe.

Ni mugihe Gasogi United yatsinze Marines FC ibitego bitatu kuri bibiri, aho ibitego bya Gasogi United byatsinzwe na Rugangazi Prosper, Hassan Djibrine kuri Penaliti na Malipngu, naho ibitego bya Marine FC bitsindwa na Ishimwe Fiston kuri Penaliti na Hakizimana Felicien.


Umuhungu wa perezida wa Gasogi United niwe wari wamuhagarariye ku mukino nyuma yo guhanwa imikino 6

Undi mukino wabaye kuri uyu wa gatandatu, ni umukino Kiyovu Sport yatsinzemo Gorilla FC ibitego bibiri kuri kimwe, ibitego bya Kiyovu Sport byatsinzwe na Serumogo Ally ndetse na Frank Laurent witsinze ku mupira wari utewe na Mugenzi Bienvenue ku munota wa 93, mu gihe Nshimiyimana Tharcisse ariwe watsinze igitego kimwe rukumbi cya Gorilla FC.

Indi mikino y’umunsi wa 16 itegerejwe kumunsi wejo:

15:00 AS Kigali VS Espoir FC (Stade ya Kigali)
15:00 Rutsiro FC VS Etincelles (Stade Umuganda)
15:00 Bugesera FC VS Musanze FC (Stade y’I Bugesera)
15:00 Gicumbi FC VS APR FC (Stade y’I Gicumbi)
18:00 Police FC VS Etoile de l’est FC (Stade ya Kigali)

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO