Rayon Sports nyuma yo gusinyisha Rwatubyaye Abdul ubu noneho umutoza we yatangiye kumucyeza

Magingo aya ikipe ya Rayon Sports yamaze kugura myugariro Rwatubyaye Abdul wakinaga mu ikipe ya FC Shkupi yo muri Macedonia ndetse yamaze gutangira gushimwa bikomeye n’umutoza we Haringingo Francis.

Umutoza w’Umurundi Haringoingo Francis yatangiye ashimagiza Abdul Rwatubyaye aho yatangaje ko uyu musore azanye ubunararibonye muri iyi kipe dore ko ngo amufata nk’umukinnyi mwiza kandi ushoboye.

Mu kiganiro Haringingo yahaye abanyamakuru,yagize ati "Twari dufite ikipe y’abakinnyi bakiri bato,twari dukeneye abakinnyi bafite ubunararibonye mu kuzamura no kuduha uburinganire mu bwugarizi bwacu,kuko Rwatubyaye n’umukinnyi mpuzamahanga,n’umukinnyi nubwo avuye mu mvune bitazamunanira kwisanga mu ikipe.

Mu kiganiro n’Itangazamakuru nyuma yo gusinya,Rwatubyaye yagize ati "Ngarutse aho nita mu rugo.Icyo nshaka kwizeza abafana ba Rayon Sports ngarutse kugira ngo dufatanye,dushyire hamwe kugira ngo tugere ku ntego zo kurwanira ibikombe n’izo gusohokera igihugu.Nabasabaga ngo mudushyigikire,mutube hafi kandi murabizi ko abari kumwe Imana ibashyigikira."

Myugariro Rwatubyaye Abdul mu ikipe ya FK Shkupi, yakinnye imikino 33 atsinda ibitego bine, atanga n’imipira itatu yavuyemo ibitego.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO