Rayon Sports yahawe iminsi ntarengwa yo kwishyura Ivan Minaert

Akanama gashinzwe imyitwarire mu Ishyirahamwe ry’Umupira w’Amaguru mu Rwanda (FERWAFA), kamaze guha iminsi 60 Rayon Sports yo kuba yamaze kwishyura umwenda ibereyemo Ivan Minnaert wayitoje mu 2018.

Mu 2018, Umubiligi Ivan Minnaert yasinyiye Rayon Sports amasezerano yo kuyitoza imyaka ibiri, icyo gihe uyu mutoza ntabwo yigeze arangiza amasezerano yari afite muri Rayon Sports, bitewe nuko yahise yirukanwa n’iyi kipe imushinjije gusagarira uwari umutoza wari ushinzwe kongerera imbaraga abakinnyi.

Icyo gihe uyu mugabo amaze kwirukanwa yagejeje ikirego Muri Ferwafa ndetse Akanama gashizwe imyitwarire muri iri shyIrahamwe gategeka Rayon Sports kwishyura uyu mugabo Miliyoni 32.5 nk’indishyi z’akababaro

Mu nkuru twabagejejeho mu 2019 yavugaga ko, ibyo Ivan yasabaga, harimo imishahara y’amezi abiri (Nyakanga na Kanama) ingana n’ibihumbi $8000, ibihumbi $4000 byo kumusezerera nk’uko byari bikubiye mu masezerano y’akazi, ibihumbi $20 byo gusesa amasezerano mu buryo bunyuranyije n’amatego, $300 y’agahimbazamusyi k’imikino ibiri ikipe yatsinze akiyitoza.

Hari kandi $5,165 y’igice Rayon Sports yari yamusigayemo kuko yayigejeje mu matsinda ya CAF Confederation Cup, $3,750 angana na 5% by’amafaranga Rayon Sports yahawe nyuma yo kugera muri ¼ cya CAF Confederation Cup, ibihumbi $10 y’igihembo cya Avoka na $820 y’itike y’indege ya Kigali-Brussels.

Mu ibaruwa ishyirahamwe ry’umupira w’Amaguru mu Rwanda ryandikiye Rayon Sports ku mugoroba w’ejo tariki 2 Nyakanga, bahaye iminsi 60 yo kuba bishyuye umwenda barimo Ivan Minnaert, bitaba ibyo bakabafatira ibindi bihano.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO