Rayon yahawe iminsi 30 yo gukemura ibibazo, Sadate na komite ye bareguzwa

Munyakazi Sadate na bagenzi be bari bayoboye ikipe ya Rayon Sports bambuwe ububasha, iyi kipe ihabwa iminsi 30 yo kuba ikemuye ibibazo byose biyivugwamo bavuga ko hagiye kuba hatowe komite nshya yagateganyo…Ni imyanzuri yibyavuye mu nama yari iyobowe na RGB ndetse na Minisitiri wa Siporo Munyangaju Aurore Mimosa.

Mu igenzurwa ryakozwe na RGB, byagaragaye ko umuryango wa Rayon Sports waranzwe n’imikorere itubahiriza Itegeko rigenga imiryango Nyarwanda itari iya Leta, kudahuza n’amategeko ndetse n’urujijo ku banyamuryango, imicungire mibi n’inyerezwa ry’umutungo.

Umuyobozi mukuru wa RGB yavuze ko yakoze igenzura ryimbitse ku miyoborere, imikorere n’imicungire y’umutungo ishingiye ku bubasha ihabwa n’Itegeko rigenga Imiryango Nyarwanda Itari iya Leta.

Byerekana ko itigeze yubahiriza inshingano imiryango itari iya Leta ihabwa n’itegeko arizo: gutanga Raporo z’umwaka, kumenyesha RGB ihinduka rijyanye n’amategeko, no guhuza n’amategeko.

Imyanzuro yafashwe ni iyi ikurikira

1. RGB yihanangirije Umuryango Rayon Sport Association kuko wateshutse ku nshingano.

2. Komite Nyobozi y’Umuryango iriho irahagaritswe kuko itabashije gusoza inshingano yahawe mu gukemura ibibazo by’umuryango.

3. Ihererekanya bubasha hagati ya Komite yari isanzwe iriho na Komite y’Inzibacyuho rizakorwa bitarenze taliki ya 24/09/2020. Abazayobora iyi nzibacyuho bazamenyekana mbere y’iherekanya bubasha.

4. Mu gihe Rayon Sport izaba itabashije gekemura ibibazo dushingiyeho tubihanangiriza mu gihe cy’ukwezi (iminsi 30), hazakurikizwa ibiteganywa n’ingingo ya 32 y’itegeko rigenga imiryango nyarwanda itari iya leta biteganya ihagarikwa ry’agateganyo ry’umuryango.


Minisitiri wa Siporo ni umwe mu bayoboye iyi nama

Yanditswe na Ishema Christian

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO