Richarlison yatangaje ikintu cyamuteye umujinya bigatuma ashwana n’umuzamu wa Arsenal nyuma y’umukino wari ishiraniro

Mu mukino w’ishiraniro wahuzaga ikipe ya Arsenal na Tottenham hagaragaye imvururu nyuma y’umukino ubwo Arsenal yari imaze gutsinda ikipe ya Tottenham umukinnyi Richarlison yarakaranyije bikomeye n’umuzamu Aaron Ramsdale wa Arsenal kugeza aho uyu muzamu yakubiswe n’umufana.

Umunya Brazil Richarlison yavuze ko ikintu cyamubabaje ndetse kikarakaza n’abakunzi ba Tottenham ari buryo uyu muzamu yagiye kwishimira imbere y’abafana babo kandi yagombaga gusanga abafana b’ikipe ye bakishimana.

Umukino uhuza Arsenal na Tottenham ni umwe mu mikino iba igoye cyane kuko aya makipe yombi arangana ku buryo budasanzwe ndetse bituma umukino wabo uba ari ishiraniro ku buryo budasanzwe.

Ikipe ya Arsenal kuri ubu ikomeje kwitwara neza ndetse kuri ubu niyo iyoboye shampiyona y’u Bwongereza Premier League aho kugeza ubu mu mikino 18 iyi kipe imaze kwegukana amanota agera kuri 47 aho irusha ikipe ya Manchester City amanota agera ku 8.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO