Riderman, Mico The Best, Social Mula bazifatanya na Bwiza mu gitaramo kimuha ikaze iwabo

Mu ntangiriro z’icyumweru gishize nibwo inzu ifasha abahanzi ya Kikac Music Ifasha umuhanzikazi Bwiza na Mico the Best yateguje abakunzi ba Muzika ko iri gutegura igitaramo bise Bwiza Home Coming cyo kwizihizanya noheli nabo kw’ivuko aho umuryango we utuye I Nyamata.

Icyo gihe Uhujimfura Jean Claude Ushinzwe ibikorwa by’abahanzi muri Kikac Music yari yatangarije Genesisbizz ko bakomeje ibiganiro na bamwe mu bahanzi baba hafi cyane ya Kikac Music kugira ngo bazifatanye mu gususurutsa abantu.

Ku mugoroba washize nibwo iyo nzu yashyize hanze amafoto yamamaza icyo gitaramo hariho abahanzi bazafanya na Bwiza muri icyo gitaramo giteganyijwe kuba tariki ya 24 Ukuboza 2021 muri Palast Rock I Nyamata .

Muri iki gitondo mu kiganiro na Bwiza Emerence yatangarije Genesisbizz byinshi ku myiteguro y’igitaramo cye ari gutegura aho yabanje kuvuga Impamvu yahisemo gukorana n’abahanzi barimo Riderman, Mico The Best, Social Mula, Kevin Skaa na Chris Eazy.

Yagize ati “Nahisemo bariya bahanzi kuko mu busanzwe ari inshuti kandi hafi ya bose hari imishinga dufitanye kuri EP yanjye nteganya gushyira hanze vuba kandi nkaba nizeye ko ibyo twateguye bizagenda neza."

Ku ruhande rwe yatubwiye ko imyiteguro ayigeze kure gusa akaba afite amatsiko y’uko abo mu muryango we bazabyakira bikaba biri mu bimuteye ubwoba ariko butari bwinshi akaba yizera ko icyo gitaramo kizagenda neza 100%.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO