Riderman agiye gushinga Radio na Televiziyo

Umuhanzi Riderman wagaruye Ibisumizi nyuma y’imyaka irenga irindwi bidakora yatangaje ko agiye no gushinga Radio na Televiziyo bikubiye mubyo yise Ibisumizi Business Group.

Mu kiganiro na Genesisbizz Dj Theo Umuyobozi ushinzwe Ibikorwa Ibisumizi Business Group yadutangarije byinshi ku mishinga Ibisumizi bigiye kuzajya bikora nyuma y’imyaka igera kuri irindwi bidakora.

Yagize ati “Ibisumizi Business Group ni Sosiyete yagutse itari iyo gukora umuziki gusa kuko ubu twashyizemo serivise nyinshi cyane aho tuzajya dufasha abantu harimo gukodesha Imodoka, Ibyuma bya Muzika byakwifashishwa mu bitaramo binini n’ibiciriritse ndetse no mu bindi birori nk’amakwe, amasabukuru inama n’ibindi byinshi bijyanye na Muzika."

Yakomeje avuga ko mu rwego rwi gukomeza gukundisha abantu umuziki bashyizemo ishuri ryigisha ibijyanye no gucuranga (sonorisation) ndetse no kwigisha gukoresha ibikoresho byose byifashishwa mu gukora umuziki w’imbonankubone (Guitar, Ingoma, Piano n’ibindi byinshi) gutunganya indirimbo yaba mu buryo bw’amajwi n’amashusho, banahugura abifuza kuba aba DJ b’umwuga.

Dj Theo yatubwiye mu yindi mishinga minini bafite kuri ubu ibaraje inshinga ari ugushinga Radio na televiziyo bizajya bikorera kuri murandasi mu gihe batarabona ibindi byangombwa byose bisabwa ngo ibone umurongo.

Asoza Dj Theo yadutangarije ko uretse serivise zo gutunganya umuziki bashyizeho naho abantu bazajya bicira icyaka ikindi yakomojeho ni uko bagiye kongera gukorana n’abahanzi benshi bakomeye mu bisumizi nubwo nta masezerano bazagirana.

Ibisumizi Business Group kugeza ubu ifite icyicaro i Gikondo ho mu mujyi wa Kigali hafi na Station Merez ya Mbere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO