Riderman wibarutse Impanga ati “Hari ibitangaza bibaho bigasa nk’inzozi”

  • by
  • 23/06/2021 saa 07:06

Umuhanzi w’umuraperi Gatsinzi Emery uzwi nka Riderman we n’umugore we Nadia Agasaro bibarutse impanga z’abakobwa avuga ko Imana yamukoreye ibitangaza.

Riderman na Agasaro Nadia bari bafite umwana umwe w’umuhungu bibarutse muri 2015 witwa Rusangiza Eltad. Inkuru yo kwibaruka izi mpanga bari barayigize ibanga kuko babyaye taliki ya 14 Kamena 2021.

Mu kwerekana ibyishimo bye yabinyujije ku rukuta rwa Instagram agira ati “Mu buzima tugira inzozi tukifuza kuzigeraho, gusa hari n’ibitangaza Imana idukorera bigasa n’inzozi dukabije nyamara tutarigeze tuzirota, ahubwo ari ubuntu bw’Imana burenze kwifuza kwacu.

Taliki 13/6/2021 naryamye ndi umubyeyi w’umwana umwe w’umuhungu, taliki ya 14/6 mbyuka ndi umubyeyi w’abana batatu.

Sinigeze narimwe ndota ndi umubyeyi w’impanga ariko Imana yangize we. Yaguye umuryango wacu , iduha abakobwa babiri beza kandi ndayishimira cyane.

God Ever everything, amashimwe ku mubyeyi wabibarutse Agasaro Nadia Farid, amashimwe ku baganga, amashimwe ku nshuti n’umuryango. Ndabakunda.”

Riderman na Miss Agasaro Nadia Farid basezeranye imbere y’amategeko ku itariki 24 Nyakanga 2015 mu Murenge wa Kigarama mu Karere ka Kicukiro, bakurikizaho gusezerana imbere y’Imana muri Paruwasi ya Kicukiro, tariki 16 Kanama 2015.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO