Rihanna arateganya kumurikira alubumu ye nshya muri Kenya

Umuhanzikazi w’icyamamare Robyn Rihanna Fenty wamamaye nka Rihanna arateganya kumurikira alubumu ye ya cyenda mu gihugu cya Kenya mu bitaramo ateganya kuhakorera muri iyi mpeshyi.

Rihanna arateganya kwibaruka imfura ye mu kwezi kwa Gicurasi uyu mwaka, ndetse arateganya ko agomba gusubukura ibikorwa bye byose bijyanye n’umuziki nyuma yo kwibaruka.

Ibi bikorwa birimo ibijyanye no gukora ibitaramo mu kumurika alubumu ye ya cyenda aho ateganya kubikorera mu gihugu cya Kenya.

Gusa izina ry’iyi alubumu ntabwo riramenyekana ariko ikinyamakuru Navy giherutse kwandika ko Rihanna ateganya kuyita R9 nk’izina ry’iyi alubumu.

Amanda Silverman umuvugizi w’ibikorwa bya Rihanna ndetse akaba anashinzwe no kubimenyekanisha yavuze ko bateganya kumurikira iyi alubumu nshya mu gihugu cya Kenya.

Yagize ati’’ nibyo Rihanna agiye kumurika alubumu nshya, ndetse iyi alubumu igomba kumurikirwa mu gihugu cya Kenya, muri iyi mpeshyi, byose birateguye dutegereje ko yibaruka.

Amanda ntabwo yavuze agace ibi birori byo kumurika iyi alubumu bizaberamo ndetse ntabwo yanatangaje italiki nyirizina bizabera gusa yasabye abakunzi b’uyu muhanzikazi ko agiye kugarukana imbaraga mu minsi iri imbere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO