Rihanna ubwo yaguriraga imyenda umwana we yitegura kwibaruka yafashwe n’ikiniga ararira

Rihanna yafashwe n’ikiniga ndetse ararira ubwo yaguraga imyenda y’umwana we yitegura kwibaruka mu minsi iri imbere.

Rihanna arimo kwitegura kwibaruka umwana gusa uyu muhanzikazi yafashwe n’ikiniga gikomeye ararira ubwo yari arimo kugura imyenda mu iduka rya Couture Kids riherereye mu gace ka West Hollywood mu mujyi wa Los Angeles muri Leta zunze ubumwe za Amerika.

Uyu muhanzikazi yafotowe bigaragara ko yagize ikiniga gikomeye arimo kurira ubwo yaganiraga n’umucuruzi wo muri iryo duka yahahiragamo imyenda y’umwana we.

Inkuru dukesha US Magazine ivuga ko uyu muhanzikazi yafashwe n’ikiniga akarira by’akanya gato ubwo yarimo aganira n’umucuruzi ucuruza imyenda y’abana muri iryo duka riherereye muri Los Angeles ndetse ibi byagaragajwe cyane mu mafoto uyu muhanzikazi yafotorewe muri iri duka.

Kuri ubu hakomeje gukwirakwira ibihuha bivuga ko bitewe n’aya marangamutima Rihanna yagaragaje ngo birashoboka cyane ko uyu muhanzikazi yaba atwite umwana w’umukobwa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO