Rihanna yatanze inkunga ya miliyoni 15 z’Amadolari mu ku miryango irwanya ingaruka z’imihindagurikire y’ikirere no ku bita ku burenganzira bw’abirabura

Umuhanzikazi Rihanna yatanze akayabo ka miliyoni 15 z’Amadolari ya leta zunze ubumwe za Amerika nk’inkunga ku miryango 18 yibanda ku kurwanya ingaruka z’imihindagurikire y’ikirere ndetse no ku miryango iharanira uburenganzira bw’abirabura.

Robyn Rihanna Fenty wamamaye ku izina Rihanna yatanze akayabo ka miliyoni 15 z’amadolari ku miryango irwanya ingaruka z’imihindagurikire y’ikirere no ku miryango yita ku burenganzira bw’abirabura abinyujije mu muryango yashinze witwa Clara Lionel Foundation.

Mu itangazo ryashizwe hanze n’uyu muryango ryasobanuraga riti" Ingaruka z’imihindagurikire zigira ubukana n’ingaruka zitangana mu bihugu byose, Mu bihugu by’abirabura n’ibirwa usanga aribo bahura n’ingaruka nyinshi."

Twakibutsa ko Rihanna yashinze uyu muryango mu mwaka wa 2012 ndetse akaba yaraje no kugirwa intwari ku rwego rw’igihugu igihe Barbados yahindukaga Repubulika yigenga mu mwaka wa 2021.

Rihanna yagizwe intwari mu rwego rwo kumuha ishimwe kubera ibyiza yakoreye igihugu cyamwibarutse ndetse kuva icyo gihe ku mazina ye hongeweho Ambasaderi.

Rihanna agirwa intwari ya Barbados.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO