Rishi Sunak yafunguriye imiryango abanyeshuri barenga 3,000 bakomoka mu gihugu cy’Ubuhinde kugirango bahabwe imirimo mu Bwongereza

Minisitiri w’intebe w’Ubwongereza ukomoka mu gihugu cy’Ubuhinde Rishi Sunak nyuma y’ibiganiro yagiranye na bwana Narendra Modi bahuriye mu nama ya G20 bigamije guhesha akazi abanyeshuri bagera ku 3,000 bakomoka mu Buhinde kugirango bakore mu Bwongereza.

Rishi Sunak na Narendra Modi ubwo bari mu nama ya G20 yateraniye I Bali mu gihugu cya Indonesia bemeranyije ko hagiye gushyirwaho amahirwe agomba guhabwa abanyeshuri bakomoka mu gihugu cy’Ubuhinde bagera ku 3,000 kugirango babashe kuba ndetse bakanakora mu Bwongereza.

Rishi na mugenzi we Narendra Modi bahuriye mu nama ya G20 uyu munsi mu gihugu cya Indonesia aho baganiriye ku ngingo zitandukanye zijyanye n’ubucuruzi harimo no guha amahirwe abanyeshuri bo mu Buhinde kugirango babashe gukora muri iki gihugu.

Mu nama kandi ya G20 habaye impaka zidasanzwe aho zagarukaga ku bisasu bivugwa ko Uburusiya bwateye mu gihugu cya Pologne bikaviramo abantu 2 kuhasiga ubuzima.

Minisitiri w’intebe w’Ubuhinde yanditse kuri Twitter ye aho yatangaje ko ibihugu byombi byongereye uburyo bw’imikoranire mu bijyanye n’ubufatanye mu by’ubucuruzi.

Ubucuruzi hagati y’Ubuhinde n’Ubwongereza bugiye kuba bufite agaciro kangana na Miliyari 28 z’Ama Pound aho aka gaciro mu bijyanye n’ubucuruzi kazageza mu mwaka wa 2035 nubwo guhabwa akazi ku banyeshuri bakomoka mu Buhinde nabyo byashyizwe mu masezerano ari hagati y’ibihugu byombi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.