Umunyarwandakazi ’Rita Ngarambe’ yegukanye ikamba ry’ igisonga cya mbere mu irushanwa rya Miss Face of Humanity 2022

Ngarambe Rita Laurence nyuma yo guhagarira U Rwanda mu irushanwa rya Miss Face of Humanity 2022 yabaye igisonga cya mbere muri iri rushanwa.

Ngarambe Rita yabonye izuba kuwa 29 Nzeli mu mwaka wa 1997 ndetse yatangiye ibikorwa byo guharanira uburenganzira bwa muntu cyane cyane umugore ubwo yari afite imyaka 16 y’amavuko.

Mu irushanwa rya Miss Face of Humanity ryabaye kuri uyu wa Gatandatu, Ngarambe yaje kwegukana irindi kamba rya ’’The World Peace’’ iri kamba naryo yarihawe nyuma yo guhiqa abandi bakobwa mu gutanga ibitekerezo bikubiyemo ubutumwa bw’amahoro.

Yavuze uburyo U Rwanda ruri mu bihugu bifite ingabo nyinshi hamwe n’abapolisi benshi mu butumwa bwo kugarura amahoro mu bihugu bitandukanye ku isi ndetse ibi byose uyu mukobwa yabigaragaje nk’intambwe ikomeye mu guharanira amahoro.

Muri iri rushanwa Ngarambe yari mu bakobwa baturuka mu bihugu bisaga 17 bitandukanye ndetse yari ahagarariye U Rwanda muri iri rushanwa rya Miss Face of Humanity.

Abakobwa bose bari bamaze icyumweru bari mu mwiherero kugeza kuri uyu wa Gatandatu ubwo hatangwaga ikamba.

Nadia Tjoa ukomoka mu gihugu cya Indonesia niwe wegukanye ikamba rya Miss Face of Humanity 2022, mu gihe Ngarambe Rita yabaye igisonga cya mbere naho Umunyamerikakazi Kerri Jade yabaye igisonga cya kabiri mu gihe umukobwa witwa Juliette Louie ukomoka muri Hong Kong yabaye igisonga cya gatatu.

Iri rushanwa rya Miss Face of humanity rigamije gukangurira abatuye isi guharanira Amahoro, Umutekano kugira Ubumuntu n’ibindi bitandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO