Roy Keane yatangaje abakinnyi 11 b’ibihe byose mu ikipe ya Manchester United

Umunyabigwi Roy Keane wabaye gapiteni w’ikipe ya Manchester United yamaze gutangaza abakinnyi 11 abona b’ibihe byose bakiniye ikipe ya Manchester United, gusa iyi kipe yabuzemo umukinnyi Paul Skoles.

Dore ikipe y’abakinnyi 11 batazibagiranwa mu ikipe ya Manchester United bitewe nibyo bakoze bitandukanye nk’uko byemezwa n’uwahoze ari gapiteni w’iyi kipe Roy Keane gusa uru rutonde rwabuzeho Rio Ferdinand na Paul Skoles.

1.Peter Schmeichel

Roy Keane yatangaje ko uyu munyezamu yakoze ibintu bikomeye cyane ubwo yarindiraga ikipe ya Machester United, ndetse ngo yari umunyezamu mwiza ugira ikinyabupfura aho ngo buri mukinnyi wakinanye nawe adashobora kumwibagirwa.

2.Gary Neville

Uyu mugabo ahamya ko myugariro Gary Neville yakoze ibikorwa by’indashyikirwa mu ikipe ya Manchester United ndetse kugeza ubu ngo buri mukinnyi akwiye kujya amufatiraho urugero, ndetse akomeza avuga ko umukinnyi Gary Neville yakundaga bikomeye ikipe ya Manchester United kuburyo n’abandi bakinnyi bakwiye kubimwubahira.

3.Denis Irwin

uyu mukinnyi Roy Keane ahamyako yari umukinnyi w’indashyikirwa mu guhirimbanira intsinzi y’ikipe ya Manchester United ndetse ngo akaba yari n’umuhanga cyane ku mipira y’imiterekano kuburyo ngo ibyo yakoze bitazibagiranwa.

4.Jaap Stam

Uyu mugabo yatangaje ko adashobora gukora ikosa ryo kwirengagiza uyu mukinnyi Jaap Stam nubwo atigeze akina imikino myinshi ugeranyije n’aba bandi gusa yemeza ko yari umunyembaraga akitanga bikomeye,gusa uyu mukinnyi ngo yaje gusezera bitunguranye kubera ikibazo k’imvune.

5.Gary Pallister

Garry Pallister ngo ni umukinnyi wari uzi kuyobora bagenzi be mu kibuaga kuburyo uyu mugabo avuga ko kuba yamuhisemo imbere ya Rio Ferdinand ari uko uyu mukinnyi yari afite ubuyobozi muri we nubwo bwose na Rio Ferdinand yari azi kwiruka cyane mu gihe izamu ryugarijwe.

6.Bryan Robson

Uyu mukinnyi akundirwa cyane ko yari umunyembaraga mu gihe ikipe yabaga imukeneye ndetse yakundaga no gutsinda ibitego ikipe ikeneye mu gihe gikwiriye ibi bituma aza kuri uyu mwanya w’abakinnyi bakomeye cyane mu ikipe ya Manchesteer United.

7.Paul Ince

uyu mukinnyi ngo yari umuhanga cyane mu gihe babaga bahanganye n’amakipe akomeye aho twavugamo nk’ikipe ya Liverpool bari bahanganye cyane ndetse uyu mukinnyi ngo yabanaga neza na bagenzi be kuburyo ntakibazo yagiranaga nabo.

8.David Beckham

Umukinnyi David Beckham ngo yari umuhanga cyane akamenya gutanga imipira yavagamo ibitego ndetse akanashobora kuba yatsinda ibitego mu bihe bitandukanye ibi byakomezaga gutuma uyu mukinnyi afatwa nk’umuntu ukomeye kugeza uyu munsi David Beckham arubashywe muri Machester United.

9.Ryan Giggs


Uyu mugabo Roy Keane yatangaje ko udashobora gupanga ikipe nziza ya Manchester United y’ibihe byose ariko ngo wirengagize umukinnyi Ryan Giggs, uyu mukinnyi yagiye arangwa no gufasha ikipe ya Manchester United mu bihe bitandukanye.

10.Cristiano Ronaldo


Uyu mugabo ahamyako ubwo Cristiano Ronaldo yageraga muri Manchester United ngo yaje ubona ari umwana gusa yari afite inyota y’ibitego ndetse ibyo ngo amaze gukora muri iyi kipe bimwemerera kuba umwe mu bakinnyi b’ibihe byose muri iyi kipe bakunda kwita amashitani atukura.

11.Wayne Rooney

Uyu mukinnyi avuga ko Wayne Rooney nubwo atari umukinnyi wihuta ka Cristiano gusa ngo yari umukinnyi mwiza cyane kandi watsindaga ibitego ubutitsa ndetse akazengereza bikomeye ikipe babaga bahanganye mu mukino.

Ngaba abakinnyi 11 b’ibihe byose batazibagiranwa mu ikipe ya Manchester United nk’uko uru rutonde rwakozwe n’uwahoze ari gapiteni w’iyi kipe ariwe Roy Keane mu kiganiro yagiranye na Sky Sports mu ijoro ryakeye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO