Rulindo: Irushanwa ryo gusiganwa ku modoka rizwi nka Nyirangarama Sprint rigarukanye abakinnyi b’ibikonyozi

Mu Karere ka Rulindo hagiye kongera kubera isiganwa ry’imodoka ryitwa Nyirangarama Sprint aho iri siganwa rizitabirwa n’abakinnyi batandukanye kandi bafite ubunararibonye mu mukino wo gutwara imodoka.

Irushanwa Nyirangarama Sprint ubusanzwe ryakinwe bwa mbere mu mwaka wa 2019 aho ryateguwe n’ishyirahamwe ry’umukino wo gusiganwa ku modoka mu Rwanda.


Iri rushanwa rizitabirwa n’abakinnyi b’ibikurankota barimo:Giancarlo,Claude Gakwaya, Mitralos n’sbandi batandukanye bafite ubunararibonye mu mukino wo gutwara imodoka.

Iri rushanwa rigiye gukinwa ku nshuro ya kabiri dore ko ryakomwe mu nkokora n’icyorezo cya Covid-19.

Byitezweko iri rushanwa rizitabirwa n’abakinnyi b’ingeri zitandukanye cyane cyane abakiri bato b’amaraso mashya nabo bifuza gutangira kwigaragaza mu mukino ujyanye no gutwara imodoka.

Nyuma y’iri rushanwa rya Nyirangarama Sprint mu Rwanda kandi Abanyanyarwanda bashonje bahishiwe dore ko hazahita hatangira irushanwa karundura rizwi nka "Memoriale Gakwaya" aho riteganyijwe kuwa 13 Kanama 2022.

Uretse Memorial Gakwaya,mu Rwanda hateganyijwe irushanwa Nyafurika muri Shampiyona y’imodoka ryitwa Mountain Gorilla Rally aho rizaba kuwa 23 Nzeli 2022.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO