Rutahizamu Obafemi Martins yavuze ku mirwano ye n’umuhanzi Burna Boy

Obafemi Martins wahoze ari rutahizamu w’ikipe y’igihugu ya Nigeria mu minsi ishize yagiranye amakimbirane n’icyamamare mu muziki wo muri Nigeria Burna Boy ubwo bari kumwe mu kabyiniro, ibintu byasakuje cyane mu itangazamakuru .

Nyuma y’uko bisakuje cyane uyu rutahizamu w’imyaka 35 ukinira mu ikipe ya Wuhan Zall Fc yavuze ko ikibazo cyabereye mu kabyiniro hagati ye na Burna Boy cyakemutse. Ibi yabivuze mu gihe uyu muhanzi we yari yavuze ko baraye barwanye abinuyujije ku mbuga nkoranyambaga ze.

Kuri uyu wa gatatu tariki ya 3 Werurwe 2021 abinyujije ku rukuta rwe rwa Instagram yashimangiye ko n’ubwo habayeho ikibazo ubu cyamaze gukemuka.

Yagize ati "Nakomeje kubona ibintu byinshi bivugwa ku mbuga nkoranyambaga ,ntabwo nabikunze na gatoya kubona amazina yacu yakubahukwa bigeze hariya . Nibyo koko habaye kutumvikana hagati yacu mu majoro yashize ariko ikibazo twaragikemuye rwose.

Nagirango mbamenyesha ko nta mirwano bavuga yabereye mu kabyiniro ka Bayrock kuko katari kanafunguye ahubwo twari twajyanye n’abahungu banjye kugira tuganire ku bibazo biri mu bikorwa dukorana mwishaka guharabika ikigo cyanjye."

Obafemi yasoje agira ati "Iteka mu buzima habaho amahane ndetse n’urukundo hagati y’abavandimwe rero mwikomeza kubigira intambara y’amagambo mu itangazamakuru mubyibagirwe dukomeze ubuzima nshuti."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO