Sarpong yateye utwatsi ibihuha by’uko Kiyovu na Gasogi zimwifuza ahishura iyo bari mu biganiro

Rutahizamu w’Umunye-Ghana wabarizwaga mu iki ya Rayon Sports Michael Sarpong, yatangaje ko ikipe ya Yanga African yo muri Tanzania imwifuza, anyomoza amakuru avuga ko Kiyovu Sports ndetse na Gasogi United zamuvugishije.

Sarpong Michael aherutse kwirukanwa na Rayon Sports bitewe n’ikiganiro yagiranye n’imwe muri Radio za hano mu Rwanda, avuga k’umuyobozi w’iyi kipe ko adakwiye kuyiyobora.

Mu kiganiro gito yagiranye na Genesisbizz.com, uyu musore yavuze ko amakuru avuga yuko Kiyovu imushaka cyangwa Gasogi United yewe ngo zishobora no kuba zaramwegereye ataribyo, avuga ko izo nshingano yazirekeye Umuhagarariye.

Yagize ati: "Ubu meze neza ntakibazo mfite, ndacyari kwitekerezaho. Ntabwo nigeze mvugana n’ayo makipe umbwiye, ariko Umpagarariye (Manager) wanjye niwe uri kuncakira aho nerekeza, niwe ufite izo nshingano."

Uyu musore abajijwe ku makuru avuga ko ikipe ya Yanga Africans yo muri Tanzania imwifuza, yavuze ko ayo makuru ariyo, ariko na none bakiri mu biganiro.

"Yego iranyifuza, biracyari mu biganiro, ntacyo ncaka kubitangazaho."

Sarpong Michael kandi yavuze ko iby’uko hari bamwe mu bayobozi ba Rayon Sports bashobora kuba baramushakaga ngo agaruke ndetse bakagerageza no kumuvugisha ataribyo.

Yagize ati: "Umpagarariye ari kubikurikirana, iyo hagira abaza kunshaka cyangwa kugerageza kumvugisha ndakeka yari kubimbwira. Rero ntabwo aribyo."

Uyu munsi nibwo Rayon Sports yatandukanye ma Michael Sarpong mu buryo bwemewe n’amategeko. Impande zombi zemeranya ibi bikurikira.

Ku ruhande rwa Sarpong Michael

1. Michael Sarpong yasubije ikipe ibikoresho byayo.

2. Kimwe n’abandi bakinnyi bose Michael ntabwo azahemberwa umushahara w’ukwezi kwa Mata.

Ibyo uruhande rwa Rayon Sports rwemeye gukorera Sarpong

1. Rayon Sports izishyura itike y’indege ihwanye n’amadorali 612 y’itike Sarpong yakoresheje agaruka mu Rwanda.

2. Ntabwo Michael Sarpong azishyura ibikoresho atagaruye.

3. Rayon Sports yemeye gukomeza kwishyurira Sarpong inzu, Ibyo kurya mu gihe cyose azavira mu Rwanda, ubuzima bwasubiye mu buryo.

4. Sarpong yashimiye Rayon Sports ndetse anasaba imbabazi Ku muntu wese wababajwe n’ibihe byanyuzemo.

5. Sarpong azahabwa umushahara we w’ukwezi kwa Gatatu ungana n’ibihimbi 950,000 by’amafaranga y’u Rwanda

Aya masezerano yashyizweho umukono n’impande zombi.

Michael Sarpong yageze muri Rayon Sports mu mpera z’impeshyi ya 2018 avuye muri Dream Academy yo mu gihugu cya Ghana ari na ho akomoka, yari kuzasoza amasezerano y’imyaka ibiri yari afitanye na Rayon Sports mu Ukwakira 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO