Umukobwa uvuga ko yafashwe ku ngufu na Cristiano muri 2009 yasabye ko urubanza rusubukurwa

Rutahizamu w’umunya-Portugal uzwi nka Cristiano Ronaldo usanzwe akina mu gihugu cy’u Butariyani, arashinjwa icyaha cyo gufata ku ngufu umwana w’umukobwa wo muri Leta Zunze Ubumwe z’Amerika, icyaha kimaze hafi imyaka 11 ariko kikaba kigiye kongera gusubukurwa.

Kathryn Mayorga ufite imyaka 35, avuga ko uyu mukinnyi ukomoka muri Portugal yamusambanyije kungufu muri Kamena 2009 muri Palms Casino Resort i Las Vegas.

Uyu mugore yakiriye amafaranga angana n’ibihumbi 375 by’amadorali kugira ngo ahagarike ikirego cye, gusa uyu mukobwa yaje kugaragara mu bitangazamakuru avuga ko ajya gufata icyemezo cyo kwakira amafaranga ya mbere atari ameze neza bityo ko yifuza andi agera ku bihumbi 200 by’amadorali kugirango akomeze aceceke.

Abunganizi ba Cristiano Ronaldo bo muri Amerika bari bavuganye n’umucamanza yanga icyifuzo cyabo, bavuga ko ahanini ajya kwakira icyo cyemezo yari akizi kandi ko yari ameze neza mu 2010 ubwo urwo rubanza rwemerwaga.

Mu 2009 ubwo Cristiano yarikumwe na Kathryn Mayorga i Las Vegas ijoro ryose

Umucamanza ukurikirana uru rubanza yahise atumizaho urundi rubanza mu Ukuboza 2020 ngo haburanishwe uyu munya- Portugal.

Avuga ko icyo ashingiraho ari uko uyu mukobwa yerekanye impapuro zo kwamuganga zigaragaza ko ajya gufata icyemezo cyo kwakira ariya mafaranga yari afite uburwayi bwo mu mutwe.

Mu myanzuro y’urukiko yakiriwe n’ikinyamakuru The Sun, Umucamanza Jennifer Dorsey yagize ati: « Njye mbona Mayorga yarahuye n’ikibazo cyo mu mutwe bigatuma afata umwanzuro uhubutse atatekerejeho kuko ntiyubahirije inzira iboneye yo gusaba ko habaho inteko y’abacamanza ku kibazo cye cyo mu mutwe yari afite. »

Umwaka ushize, uyu mukinnyi wa Juventus yabwiye ibitangazamakuru byo mu Butariyani ko atazakurikiranwa nyuma yuko abapolisi bananiwe kubona ibimenyetso bihagije byo kumukurikirana.

Nubwo uyu musore avuga ibi, Kathryn Mayorga avuga ko itsinda rye ryemewe n’amategeko ryakoresheje imitekerereze ye idahwitse kugira ngo asinyire inyandiko y’amadorali 375.000 (£ 290.000).

Mu mpapuro z’urukiko zatanzwe umwaka ushize, itsinda ryemewe n’amategeko rya Ronaldo ryemeje ku nshuro ya mbere ko Mayorga yahawe amadorari 375.000 (£ 290.000) igihe yatangaga ibirego bwa mbere kuri polisi mu rwego rwo kubika ibanga rye na Ronaldo.

Abashinjacyaha bari kuruhande rwa Kathryn Mayorga batangaza ko bafite inyandiko ivuye kwa muganga ivuga ko uyu mukobwa afite ikibazo mu mutwe bityo ko urubanza rwabo rugiye gusubirwamo mu kwezi kwa Ukuboza uyu mwaka.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO