Rwanda:Umuhanzi T-WAGG avuga ko azanye agashya mu muziki wo kuramya no guhimbaza Imana

T-WAGG ni umwe mu bahanzi bakora umuziki wo kuramya no guhimbaza Imana ariko we akaba abikorana udushya dutandukanye aho awukora mu njyana ya Gospel rap. Mu kiganiro na T-WAGG yatubwiye ko yatangiye umuziki wa gospel rap muri 2018 .

T-WAGG ni umuhanzi ukorera umuziki mu Rwanda , Nyuma y’aho arangirije amashuri yisumbuye nibwo yatangiye gukunda gusenga no kumenya Imana kurushaho aho yabarizwaga mu idini rya Gatolika.

Yakomeje atubwira ko mbere yaririmbaga imiziki isanzwe bita iy’isi (secular) akiri mu mashuri yisumbuye aho indirimbo ya mbere yitwa Samantha, yayikoze muri 2013 ikozwe na producer witwa CAPMAN ubu utunganyiriza umuziki mu Butaliyani.

Niko muri uko gukunda gusenga yaje gutangira kurirmba indirimbo zerekeye ku Mana ariko mu byukuri yari atarasobanukirwa neza ibyo arimo.

Indirimbo ya mbere yakoze aririmbira Imana yitwa TUKURIRIMBE.

Nibwo yakomeje kugira inyota yo kumenya Imana ,aza gukora amahugurwa y’igihe cy’amezi 9 , Izindi ndirimbo yasohoye harimo il est la, Niwe nzira.

Muri 2020 nibwo yaje kubwirwa icyo bita inkuru nziza ivugwa muri bibiliya ivuga ko Kristu Yezu yadukunze agapfira ibyaha byacu twakoze n’ibyo tuzakora akazukira kuduha ubuzima bushya .

Icyo usabwa ari ukwizera umurimo Kristu yagukoreye gusa maze ugahabwa ubugingo bw’iteka (ijuru) , imbabazi z’ibyaha byawe ndetse n’ubutungane bw’Imana buva mu kwizera Yezu bitavuyemo mu mirimo y’amategeko.

Ku wa gatanu w’ iki cyumeru akaba aribwo yasohoye indirimbo ye yambere ifite amashusho aho amenyeye ubutumwa bwiza yitwa NARABABARIWE iri mu njyana ya DRILL cyangwa iyo bita Kinyatrap injyana itari imenyerewe muri gospel Nyarwanda.

Ukaba wayisanga kuri youtube ku rukuta rwitwa T-wagg no kuzindi mbuga zicuruza umuziki nka spotify,apple music ,tidal ,deezer ,boom play nizindi zitandukanye.

Akaba ateganya kuzasohora EP igizwe n’indirimbo 5 nyuma y’indirimbo ye nshya ndetse n’indi mishinga miremire nko gukorana n’abahanzi bo muri Nijeriya n’Ubwongereza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO