Rwarutabura ufana cyane Rayon Sports yakoze impanuka

Umufana ukomeye cyane w’ikipe ya Rayon Sports ariwe Rwarutabura yakoze impanuka ikomeye cyane kuri uyu wa Kabiri tariki ya 17 Gicurasi 2022.

Uyu mufana uzwi cyane ndetse uri mu bimbere mu ikipe ya Rayon sports yakoze impanuka yerekeza ku kibuga cy’imyitozo mu Nzove aho ikipe ya Rayon Sports ikorera imyitozo,gusa uyu mukinnyi yahise yihutanwa kwa muganga.

Uyu mugabo ubwo yari ageze mu muhanda w’igitaka werekeza ku kibuga cyo mu Nzove, moto yari ariho yagonganye n’indi maze aba ari we ukomereka ahita yihutanwa kwa muganga aho yajyanywe ku bitaro bya Nyarugenge akaba ari ho arwariye.

Nkundamatch umurwaje uyu mugabo ubwo yaganira n’itangazamakuru yagize ati"Impanuka yayikoze ejo, yaraye mu bitaro abaganga bamwitaho. Uyu munsi nibwo bamunyuza mu cyuma, ubu urabona yoroherwa nta kibazo Yari ageze muri wa muhanda w’igitaka wo mu Nzove moto yari ariho igongana n’indi aba ari we ukomereka."

Amakuru aravuga ko uyu Rwarutabura ari koroherwa, nyuma y’aho yitaweho n’abaganga bakamukorera ibishoboka byose ndetse uyu mufana akaba yasezerewe ubu ari iwe mu rugo.

Mu mafoto yashyizwe hanze yagaragaje Rujugiro basanzwe ari inshuti nubwo we afana APR FC n’abandi bafana b’iyi kipe y’ingabo z’igihugu basuye uyu Rwarutabura ndetse bamugenera ubufasha.

Benshi mu bashyize ibitekerezo kuri aya mashusho bashimye cyane uyu muco mwiza wo guhangana mu kibuga ariko hanze y’ikibuga abakunzi ba ruhago bakabana nk’abavandimwe.

Niba utazi intambara y’amagambo ya Rwarutabura reba iyi Video

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO