SOMALIA:Abagera kuri 20 bamaze kwicwa n’umutwe w’iterabwoba wa Al-shabaab

Abantu barenga 20 byamaze gutangazwa ko bahitanwe n’umutwe w’iterabwoba wa Al-Shabaab ndetse biganjemo abagore n’abana,ibi byabereye mu gace kitwa Hiiran.

Umutegetsi uyobora agace ka Hiiraan, witwa Ali Jeyte Osman, yatangaje ko abarwanyi ba Al-Shabaab batangiriye abagenzi, bagatera ibisasu mu modoka barimo bityo bikabahitana.

Bivugwa ko umubare w’abaguye muri iki gitero cya Al-Shabaab ngo ushobora kwiyongera.

Ubwo inyeshyamba za Al-Shabaab zateraga ibisasu mu modoka abaturage batangiye kuyabangira ingata maze inyeshyamba zibamishamo urufaya rw’amasasu karahava.

Iki gitero kibaye mu gihe Somalia itorohewe n’ibibazo by’amapfa yibasiye ibihugu byo mu ihembe rya Afurika aho ibihumbi by’abaturage bimaze kuvanwa mu byabo n’aya mapfa.

Perezida wa Somalia, Hassan Sheikh Mohamud, yavuze ko Leta ye itazababarira na rimwe abagizi ba nabi bakomeje guteza imidugararo mu gihugu cye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO