Sadate Munyakazi yahagaritse inzego z’umuryango wa Rayon Sport uretse komite nyobozi.

Umuyobozi mukuru w’umuryango wa Rayon Sport Munyakazi Sadate, yahagaritse inzego z’umuryango ya Rayon Sport, uretse komite nyobozi, avuga ko bagiye kunonosora amategeko shingiro y’umuryango bakayahuza n’inzego z’umuryango.

Mu mpera z’iki cyumweru nibwo bamwe mu bagize umuryango wa Rayon Sport bagera kuri 27 bandikiye Umuyobozi w’umuryango Munyakazi Sadate bamusaba ko atumiza inama y’inteko rusange bitarenze iminsi itanu, byarenga bakifashisha amategeko.

Mu ibaruwa Sadate yanditse, yavuze ko yashingiye ku burenganzira yahawe na RGB bwo kuyobora iyi kipe, kandi ko izi nzego zigiye guhuzwa n’amategeko y’Umuryango wa Rayon Sport.

Yagize ati: “Nshingiye ku ibaruwa No 9/RGB/CEO/PPS&CSD/2020 nandikiwe n’umuyobozi mukuru w’Urwego rw’Igihugu rw’Imiyoborere (RGB) mbandikiye mbamenyesha ko inzego zose za Association ya Rayon Sport zibaye zihagaritswe uhereye tariki 10 Kanama 2020 uretse komite nyobozi y’umuryango.”
Ibaruwa Sdate yanditse
Muri iyi baruwa Munyakazi Sadate yavuze ko hagiye gukorwa inonosora ry’amategeko shingiro y’umuryango wa Rayon Sport ryazarangira hakajyaho ‘inzego zizaba zihuye n’ayo mategeko.

Urwego rw’Igihugu rw’Imiyoborere mu Rwanda (RGB) rwari rwandikiye ubuyobozi w’umuryango wa Rayon Sport, basaba komite nyobozi y’uyu muryango kuvugurura amategeko shingiro y’umuryango.

Muri Kamena uyu mwaka nibwo RGB yahaye uburenganzira Munyakazi Sadate bwo kuyobora Rayon Sport mu myaka ine, bumutegeka kuvugurura amategeko shingiro y’uyu muryango.
Ibaruwa RGB yandikiye ubuyobozi bwa Rayon Sport.

Muri Rayon Sport hamaze iminsi harimo umwuka mubi uterwa n’abayobozi bahoze bayo0bora Rayopn Sport ndetse n’abayoyobora ubu. Uyu munsi banwe mu bayobozye iyi kipe barimo Gacinya ndetse na Muvunyi ntibifuza ko Rayon Sport igumya kuyoborwa na Sadate Munyakazi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO