Sadio Mane ari mu marembera mu ikipe ya Liverpool

Sadio Mane yasezeranyije abafana ba Liverpool "itangazo ridasanzwe" ku hazaza he nyuma yumukino wa nyuma wa Champions League,gusa nanubu ibye ntibirasobanuka.

Hashize icyumweru kimwe iryo tangazo ritarasohoka nubwo amahirwe menshi ari uko agiye kwerekeza mu ikipe ya Bayern Munich bivugwa ko yiteguye kumukubira inshuro nyinshi umushahara ahembwa.

Ibimenyetso byinshi byerekana ko byanze bikunze hazabaho gutandukana hagati ya Mane n’ikipe ya Liverpool yinjiyemo aguzwe hafi miliyoni 34 z’amapawundi mu 2016 avuye muri Southampton.

Mu myaka itandatu amaze muri iyi kipe,yatwaye buri gikombe cyose gikinirwa i Burayi ndetse agerekaho kuba umukinnyi ngenderwaho wa Liverpool muri iyo ntsinzi yose.

Kuri uyu wa gatanu ubwo yari mu kiganiro n’Abanyamakuru iwabo muri Senegal,Mane yatanze ikimenyetso cyerekana neza ko ashobora kuva kuri Anfield vuba.

Ati: "Nubaha abafana n’ikipe ariko 60 kugeza 70 ku ijana by’Abanyasenegali bashaka ko mva muri Liverpool? Nzakora ibyo bashaka."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO