Samuel Eto’o Fils agiye kwiyamamariza kuyobora Federasiyo y’umupira w’amaguru iwabo

Umukinnyi w’icyamamare mu mupira w’amaguru wakiniye ikipe y’igihugu ya Cameroun ndetse n’amakipe akomeye ku mugabane w’Uburayi Samuel Eto Fils yatangaje ko agiye gutanga kandidatire ye yo kuba Perezida w’ishyirahamwe ry’umupira w’amaguru.

Ibi uyu mugabo wabashije kwegukana ibikombe bitari bike mu gihe yamaze akina mu makipe akomeye nka Fc Barcelone nandi makipe akomeye ku mugabane w’iburayi yabitangaje abinyujije ku mbuga nkoranyambaga ze.

Yagize ati “Nahisemo gufata iki cyemezo kuko nkunda i gihugu cyanjye kandi nkaba nkunda n’umupira w’amaguru muri Rusange."

“Igihe kirageze cyo kubaka umupira mu gihugu cyanjye. Nyuma y’amakuru menshi yagiye avugwa ko mu gihugu cya Kameruni bashaka guhagarika ibijyanye no gutunga ubwenegihugu bubiri , akaba ariyo mpamvu nahise mfata icyo cyemezo."

Ubusanzwe Samuel Eto yari afite ubwenegihugu bubiri, ubwo muri Esipanye na Cameroun.

Eto abaye umukinnyi wa gatatu mubakiniye ikipe y’Igihugu ya Kameruni kera bagiye kwiyamamariza kuyobora ishyirahamwe ry’umupira w’Amaguru.

Nubwo uyu rutahizamu yatangaje ko agiye kwiyamamariza uwo mwanya ntibiramenyekana ko kandidatire ye izemerwa mu gihe amatora yo ateganyijwe ku ya 11 Ukuboza 2021.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO