Sano ntacyo ashaka kumva kuri Cadette wabyaye kandi akiri umugore we mu mategeko

Sano Olivier ukora indirimbo zo kuramya no guhimbaza Imana yaganiriye na Genesis Tv avuga ko nta kintu yifuza kumva cyangwa kumenya ku makuru ya Uwera Cadette basezeranye imbere y’amategeko none akaba yabyaye nubwo nta wuramenya Se w’umwana.

Mu mpera z’ukwezi gushize kwa Nyakanga 2020, uyu mukobwa yibarutse umwana we yanamaze guha izina rya “Norah”.

Nta byinshi byamenyekanye ku mugabo babyaranye cyangwa umwana we.

Gusa bivugwa ko nubwo yabyaye, ibyangombwa byo gutandukana na Sano bitaraboneka, bivuze ko gatanya yabo itararangira, ku buryo akiri umugore wa Sano Olivier mu buryo bw’amategeko.

Sano aganira na Genesis Tv yirinze kugira byinshi abivugaho.

Ati “Ntacyo nshaka kuvuga ku bijyanye na Cadette, nta nubwo mba nshaka kugira icye menya rwose. Uko mubibona niko nanjye nabibonye.”

Urukundo rwa Sano na Uwera Carine uzwi nka Cadette rwabaye kimomo ariko biba ibindi bindi ubwo aba bombi batandukanaga barangiza umwe akagenda asebya undi.

Icyo gihe Cadette yavugaga uburyo yizeye uyu musore, akamuha umutima wose nyamara atazi ko amukurikiyeho imitungo.

Batandukanye Ukuboza 2019 barasezeranye mu mategeko ariko batandukana ubukwe bubura ameze ane.

Sano azwi mu ndirimbo nka “Belongs to me, Ndakuramya, I believe in Jesus, Joy, You deserve, Champion” n’izindi.

Uwera Carine uba muri Leta Zunze Ubumwe za Amerika yamaze imyaka itatu akundana n’uyu muhanzi. Muri Mutarama nibwo yamwambitse impeta nk’ikimenyetso cy’uko bazabana.


Ifoto ya Cadette agitwite

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO