Sarpong Michael arasoza ibiganiro na Yanga muri iki cyumweru

Umunya-Ghana Michael Sarpong washakishwaga n’amakipe atandukanye yaba hano mu Rwanda ndetse no hanze amwe bikagenda byanga, kuri ubu arerekeza muri Tanzania kuganira na Yanga Africans kugira ngo ayisinyire amasezerano y’imyaka ibiri.

Uyu musore byakunze kuvugwa ko ashakishwa na Simba Sport Club nayo yo muri Tanzania gusa bikanga bitewe ngo nibyo batumvikanye, kuri ubu uyu yamaze kumvikana na Yanga ndetse aragenda kuri uyu wa Gatanu muri Tanzania.

Ku munsi w’ejo nibwo umuyobozi wungirije wa Yanga (Vc Chairman) Fredrick Mwakalebele, yahamije amakuru avuga ko bamaze kumvikana na Sarpong Michael ndetse ko azabasinyira amasezerano y’imyaka ibiri.

Amakuru agera kuri Genesis Tv dukesha zimwe mu nshuti za hafi z’uyu musore zavuze ko arahaguruka uyu munsi yerekeza muri Tanzania ndetse n’umushakira akaryo, kugira ngo barangize iby’amasezerano bumvikanye yo gusinya imyaka ibiri ku bihumbi 50 by’amadorali y’Amerika.

Sarpong Michael yatandukanye na Rayon Sport yari yaragezemo mu mwaka wa 2018, nyuma yo kuyikinira imyaka itatu nayo ituzuye neza kuko yahise yirukanwa bitewe n’imyitwarire mibi yo gutuka abayobozi.

Uyu musore w’imyaka 24 y’amavuko yakinnye mu ikipe y’iwabo yitwa Liberty Professionals mbere yuko aza mu Rwanda mu ikipe ya Rayon Sport aho yari agiye kuyimaramo imyaka itatu, ndetse anayihesha igikombe cya shampiyona kimwe aza no kurangiza afite ibitego byinshi.
Michael Sarpong yari umukinnyi wa Rayon Sport

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO