Se wa Steven Kanumba yapfuye azize uburwayi

Se w’icyamamare muri sinema ya Tanzaniya Steven Kanumba yitabye imana azize uburwayi nyuma y’uko umwana we nawe yishwe n’uwahoze ari inshuti ye mu mwaka wa 2012.

Se wa Steven Kanumba witwaga ‘Charles Kanumba’ byamenyekenye ko yitabye imana muri iki cyumweru dusoje tariki 8 Werurwe 2020, aho yararwariye mu bitaro byitwa ‘Shinyanga Regional Hospital’ ahagana mu masaha ya 10 za mu gitondo, nyuma yo kurwara igihe kinini.

Nk’uko bivugwa n’igitangazamakuru SDE cyo muri Kenya, kivuga ko Charles Kanumba yarafite ibibazo by’umuvuduko w’amaraso ndetse hakaniyongeraho imvune yagiriye mu mpanuka yo mu 2002 ndetse niyo mu 2015.

Uyu musaza bivugwa ko yitabaje perezida wa Tanzaniya John Pombe Magufuli ngo amwishyurire fagitire yo kwibagisha ivi ariko akaza kubwirwa ko perezida Magufuli ahuze.

Charles Kanumba warukeneye arenga Miliyoni 9 n’ibihumbi 900 by’amafaranga y’U Rwanda kugira ngo abashe kwibagisha ivi, byavugwaga ko umuryango we wagowe no kubona ayo mafaranga yose.

Uwahoze ari umugore we Flora Mutegoa nyuma y’urupfu rw’uwahoze ari umugabo we yavuze ko yamubabariye amakosa yose yamukoreye ndetse anemeza ko azajya kumushyingura, anisabira abantu kumufasha kubona uko azashyingurwa.

Umukinnyi wa filime Elizabeth Lulu Micheals wahoze akundana na Steven Kanumba wigeze gukatirwa imyaka ibiri y’igifungo azira kuba ariwe wamwishe mu mwaka wa 2012 amusunikiye ku gikuta, yaje gufungurwa umwaka utarashira kugira ngo akore imirimo nsimbura gifungo (community services).

Iki cyemezo ariko nanone ntago cyaje kwakirwa neza na na Nyina wa Steven Kanumba, aho yavugaga ko byibuze yakagombye kuba yarafunzwe nk’umwaka umwe akabona gufungurwa, gusa nyuma y’aho yaje kwisubiraho yemeza ko yamubabariye ndetse ko ashobora no kuzitabira ubukwe bwe naramuka abukoze.

Akimara kuva muri gereza, Se wa Steven Kanumba nawe witabye imana yahise asaba Lulu Micheals kujya ku gituro cy’uwahoze ari umukunzi wanamwiyiciye kugira ngo akureho imivumo yazamukurikirana mu buzima bwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO