Sebukwe w’igikomangoma Harry yahishuye ko atazigera atakaza isegonda rimwe asoma igitabo cye kuko cyuzuye amakabyankuru

Sebukwe w’igikomangoma Harry, Thomas Markle yahishuye ko adateganya no gutakaza isegonda rimwe asoma igitabo cy’umukwe we ngo kuko cyuzuyemo amakabyankuru n’ibintu bitabayeho.

Si sebukwe wa Harry gusa, ahubwo na muramukazi we, Samantha Markle we yavuze ko iki gitabo adashobora no gukoresha impapuro zacyo mu bwiherero niyo nta zindi mpapuro z’isuku zaba zihari.

Benshi bakomeje gushinja igikomangoma Harry, Ko iki gitabo cye cyuzuye ibihuha ndetse ngo akaba agamije amafaranga n’ubucuruzi naho abandi bakamushinja ko yabeshyeye mukuru we, Igikomangoma William kuko yamugiriye ishyari kubera umwanya afite mu Bwami bw’u Bwongereza.

Inshamake y’umusogongero w’iki gitabo ivuga uburyo William yahohoteye cyane Harry akamuniga ndetse akamukomeretsa, Akanamutegeka ko ntakintu umugore we Meghan Markle agomba kumenya.

Biteganyijwe ko igitabo, Spare kigera ku isoko kuri uyu wa kabiri, gikubiyemo ubuzima bw’igikomangoma Harry n’ibyo yise akagambane k’i Bwami aho avuga ko bamuzizaga kurongora umwiraburakazi.

Harry aritegura kuvuga ibyamubayeho mu nkuru y’igitabo

Ni kenshi urukundo rwa Harry na Meghan rwagezwe intorezo

Umwuka ukomeje kuba mubi hagati ya Harry na William

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.