Selena Gomez: Gutandukana na Justin Bieber nicyo cyintu cyiza cyabaye mu buzima bwanjye

Bimwe mu byamamare byakundanye bigatinda ni Justin Bieber na Selena Gomez, Gusa ngo akaryoshye ntigatinda mu itama kuko aba bombi baje gutandukana burundu ndetse bikabanza gushegesha cyane Selena gusa yaje guhishura ko aricyo cyintu cyiza cyabaye mu buzima bwe.

Selena Gomez w’imyaka 30 ni umwe mu byamamare bikomeye ariko byagize amateka ashaririye aho yagerageje kwiyahura inshuro enye ndetse ntiyakunze guhirwa mu rukundo.

Rumwe mu rukundo yagize rukamuryohera ni igihe yari kumwe na Justin Bieber aho bakundanye mu bwana gusa bakaza kubishyira ku mugaragaro hagati ya 2011 ugera 2018 ubwo Justin yari afite imyaka 17 Selena amurusha ibiri kuko we yari afite 19.

Selena na Justin ni bamwe mu bagize urukundo rwavuzwe cyane

Aba bombi barakundanye ndetse bagahora mu bitangazamakuru bitandukanye bavugwa uburyo baberanye gusa ntibyagenze neza kuko baje no kujya banatandukana ariko bagasubirana kugeza ubwo batandukanye burundu ndetse Justin aza no gushakana na Hailey.

Mu byababaje Selena cyane ngo ni ukuntu Justin yamusize ari mu bihe bigoye by’uburwayi aho byamusabye kubagwa agahindurirwa impyiko ndetse si ibi gusa kuko n’izindi nshuti ze nka Kendall Jenner, Bella Hadid n’abandi ba hafi bamugiye kure igihe yari abacyeneye ahera mu bwigunge.

Muri filime mbarankuru My Mind & Me, Selena Gomez asobanura mu buryo burambuye umubano we na Justin Bieber ndetse akavuga ko gutandukana byamubereye byiza mu buzima bwe, Gusa yemera ko byabanje kumugora cyane kuko bombi batifuzaga gutandukana gusa byagombaga kuba.

Gomez avuga ko byari ibihe bimushengura umutima gusa ngo n’ubundi yagombaga kubinyuramo uko byari kugenda kose. Akomeza avuga ko yagombaga kwirengangiza byose mu kanya nk’ako guhumbya kugirango akomeze ubuzima ndetse byaramufashije.

Itangazamakuru ryakomeje gushinja Hailey, Umugore wa Justin kudacana uwaka na Selena wahoze ari umukunzi w’umugabo we, Gusa barabanyomoje kuko higeze kugaragara amaforo y’aba bombi basohokanye ndetse bigaragara ko ari inshuti mu buryo bumwe cyangwa ubundi.

Hailey (ibumoso) na Selena bagaragara bishimanye n’ubwo babita abakeba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO