Selena Gomez mu rukundo rw’ibanga na Captain America

Mu cyumweru dusoje nibwo ku mbuga nkoranyambaga hakwirakwiye inkuru zinuganuga ko Selena Gomez ashobora kuba ari mu rukundo rw’ibanga na Captain America.

Selena Gomez w’imyaka 29 biravugwa ko yaba ari mu rukundo rw’ibanga na Chris Evans , uyu akaba ari umukinnyi wa filime wamenyekanye cyane ku izina rya ’Captain America’ mu ruhererekane rwa filime za Marvel.

Byakomeje kuvugwa ko aba bombi baba bari mu rukundo rw’ibanga nyuma y’aho batangiye gukurikirana ku rubuga rwa Instagram.

Andi makuru yemeza ko aba bombi baba bari mu rukundo rw’ibanga nk’uko tuyakesha ’E-news’ avuga ko aba bombi bigeze kugaragara muri imwe mu ma resitora bari gusangira.

Uyu muririmbyikazi Selena Gomez nanone bivugwa ko yaba afitanye imishinga na Chris Evans yo gukorana filime, ngo akaba ariyo mpamvu aba bombi bakunze kugaragara cyane bari kumwe muri iyi minsi.

Gusa n’ubwo aba bombi bahakana ko baba bari mu rukundo, Selena Gomez rimwe yigeze gutangaza ko yigeze kugirira amarangamutima Chris Evans.

Mu kiganiro yagiranye na Andy Cohens cyitwa Watch What Happens Live With Andy Cohen mu mwaka wa 2015, mu magambo ye yatangaje yerekanaga uburyo yihebeye Chris Evans.

Mu magambo ye yagize ati ’’Mfitiye amarangamutima y’urukundo Chris Evans. Mubona atari mwiza se ? Ni mwiza cyane.’’


Selena Gomez ahakana ko yaba ari mu rukundo rw’ibanga na Chris Evans (Captain America)


Amarangamutima Selena Gomez yagiriye Chris Evans mu myaka 6 ishize ashobora kubyara ikibatsi cy’urukundo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO