Senderi Hit ufite inshuti ntaramenya igihe azarongorera, abageni haricyo abibwirira

Umuhanzi Senderi Hit uvuga ko iyi munsi ari mu bitabira ubukwe bwinshi muri iki gihe, ntaramenya igihe azarushingira n’ubwo afite inshuti y’umukobwa babirimo neza.

Nzaramba Eric uzwi ku mazina ya Senderi Hit mu muziki nyarwanda, yifashishije indirimbo nshya yasohoye yise ‘Cyimbagira’ yatuye abageni,avuga ko yayikoze abisabwe n’inshuti ye biturutse ku nkuru iyirimo.

Mu kiganiro Genesisbizz yagiranye na Senderi Hit yagize ati: “iyi ndirimbo irimo inkuru nahawe n’inshuti yanjye iherutse gukora ubukwe, bityo ansaba ko namukorera indirimbo kuriya.”

Senderi utaruherutse kugaragara mu ruhando rwa muzika, avuga ko aba ahari anakora cyane ahubwo wenda aruko uburyo ibikorwa bye bimenyekanamo aribyo bishobora kuba byarasubiye inyuma.

Mu busanzwe Senderi afite Alubumu Eshatu, aho avuga ko iya kane ashobora kuzayishyira hanze ubushobozi bwayo bubonetse muri uyu mwaka, dore ko indirimbo afite zirenga izisanzwe zishyirwa kuri za Alubumu bamurika.

Senderi Hit agaruka ku bijyanye n’igihe azakorera ubukwe, avuga ko ubu afite inshuti dore benshi bahora bamubaza igihe azarongorera, gusa akemeza ko ubukwe burya buba busaba kwisuganya, ukicara ukamenya gahunda uko imeze neza.
Senderi Hit ntaramenya neza igihe we azarushingira
Mu ndirimbo nshya y’abageni Senderi Hit yashyize ahagaragara, agaruka ku bihe by’agahebuzo biranga ibirori nyiri zina by’ubukwe, aho aba agira ati: “ Kimbagira babafotore, kimbagira mwambaye neza…gacye… imiryango yuzuye ibyishimo, kubera bya bihe by’aya masaha…cya gihe mwemeranyaga kubana…”

Senderi yatubwiye ko umukobwa bakundana kuri ubu abarizwa muri uyu mujyi wa Kigali, aho ateganya kuzamwerekana nibimara kujya mu buryo neza, cyane ko yumva atabeshya abantu igihe azakorera ubu bukwe.

Dore indirimbo nshya Senderi Hit yasohoye yise ‘Cyimbagira’:

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO