Senderi ati “Bambwiye ko abicanyi ba kiziguro bari bafite amazina atatu mabi”

Umuhanzi Eric Senderi yasohoye indirimbo nshya yise ‘Kiziguro ku Cyobo’ ijyanye n’ibihe Abanyarwanda barimo byo kwibuka ku nshuro ya 26 Jenoside yakorewe abatutsi 1994 avuga ko yayihimbiye abacitse ku icumu batuye I Kiziguro mu karere ka Gatsibo.

Iyi ndirimbo nshya y’umuhanzi Senderi yise ‘Kiziguro ku cyobo’ ngo yayikoze mbere y’uko Isi yugarizwa n’icyorezo cya Coronavirus ariko isohoka mugihe cyo kwibuka.

Ati “Ni indirimbo nakoreye abacitse ku icumu i Gakoni - kiziguro ahahoze hitwa komini Murambi ubu ni mu karere Gatsibo.

Nkuko nabiganirijwe n’abacitse ku icumu baho ba Gakoni na kiziguro bambwiye ko abicanyi ba kiziguro bari bafite amazina atatu mabi.

Izina rya mbere ryari “Interamwete” , bari abagore babicanyi bari bashinzwe kwica abatutsi mu 1994 . Abatutsi biciwe i Gakoni bajugunywaga muri muhazi bikozwe nizo nteramwete.

Irindi zina biyitaga ni “Impuzamugambi” zaho murambi zari zishinzwe guhiga bukware umututsi wese urugo ku rundi.

Izina rya gatatu biyitaga ni “Interahamwe” zari hombi yaba Gakoni na Kiziguro zo zari zishinzwe kwica umututsi wese aho bari bahungiye kuri za Kiriziya no ku mashuri uwo batajuguye muri muhazi bakamujyana mu cyobo cyari Kiziguro dore ko abatutsi benshi bari bavuye I mihanda yose bishwe bakajugunywa muri icyo cyobo cyari iruhande rwa Kiriziya.”

Mu ndirimbo mba ngaragaza ko icyo cyobo kitubikiye abacu, nkibwira ngo gisegure abacu neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO