Senderi yasohoye indirimbo nshya “Muri hehe” yatuye abarimo abayobozi b’Isibo

Umuhanzi Eric Senderi utaherukaga kuvugwa yasohoye indirimbo nshya yise ‘Muri hehe’ avuga ko akumbuye abafana be ayitura abayobozi b’isibo n’abandi batandukanye barimo n’Abanyamakuru.

Senderi ni umwe mu bahanzi bajyaga bavugwa cyane ariko ubu bikaba byarahindutse ugereranyije na mbere.

Ku mugoroba wo kuri uyu munsi taliki ya 3 Werurwe 2021 yashyize hanze indirimbo yise ‘Muri hehe’ isanzwe iririmbwa mu bikorwa bitandukanye ariko bya Morale.

Mu kiganiro na Genesis TV yavuze ko n’ubwo umwaka ushize nta bikorwa by’ingenzi afite ariko akumbuye abafana be.

Ati “Ndabemera cyane, sibo nkumbuye gusa kuko nabya bitaramo byo mu mirenge no mu turere ndabikumbuye. Kimwe na hahandi Abayobozi bari bishimira ibikorwa remezo n’iterambere baba baragezeho.”

Mu gusohora iyi ndirimbo yavuze ko ayituye abantu banyuranye ariko by’umwihariko abayobozi b’isibo, ingabo, abaganga, abanyamakuru n’urubyiruko.

Ati “Mfite ikizere ko iyi ndirimbo nzayibaririmbira corona nishira ubuzima bwongeye kugaruka neza mushonje muhishiwe bafana banjye.”

Senderi avuga ko Corona niva mu nzira azongera gushimisha abafana be

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO