Senegal yasezereye Burkina Faso muri kimwe cya kabiri igera ku mukino wa nyuma

Mw’ijoro ryo ku wa gatatu tariki 02 Gashyantare 2022, kuri sitade Ahmadou Ahidjo haberaga umukino wa ½ wahuzaga ikipe y’igihugu ya Senegal n’iya Burkina Faso, maze urangira Senegal itsinze Burkina Faso ibitego 3 kuri 1.

Ni umukino watangiye amakipe yombi yatakana gusa mu gice cya mbere ikipe y’igihugu ya Burkina Faso iza kugira ibyago umunyezamu wayo wa Hervé Koffi asohoka mu kibuga nyuma yo kugongana na Kouyate. Igice cya mbere kirangira amakipe yombi anganya ubusa ku busa.

Mu gice cya kabiri , ikipe y’igihugu ya Senegal (Les Lions de la Téranga) isatira izamu rya Burkina Faso (Les Étalons), biza no kuyihira ku munota wa 70 Abdou Diallo ukinira PSG aza gutsinda igitego cya mbere cya Senegal ku mupira yahawe na Kalidou Koulibaly.

Senegal yaje kubona igitego cya kabiri ku munota wa 76 gitsinzwe na Idrissa Gana Gueye ku mupira waruturutse kuri Sadio Mane, mu gihe ku munota wa 82 Blati Toure yaje gutsinda igitego cya mbere cya Burkina Faso, naho ku munota wa 87’ Sadio Mane aza gutsinda igitego cya gatatu cya gatatu cya Senegal ku mupira yazamukanye asigaye ba Myugariro ba Burkina Faso, Umukino urangira Senegal itsinze ibitego 3 kuri 1 cya Burkina Faso.

Senegal ihita igera ku mukino wa nyuma aho izahura n’iratsinda hagati ya Cameroon na Egypt, mu mukino wa ½ kirangiza urabera kuri Olembe Stadium.

Ni inshuro ya gatatu Senegal igeze ku mukino wa nyuma, dore ko inshuro ya mbere yabikoze muri 2002 gusa igatsindwa na Cameroon, ndetse n’irushanwa riheruka 2019 ubwo yatsindwaga ku mukino wa nyuma na Algeria, gusa ikaba itaratwara iki gikombe kiri gukinwa ku nshuro ya 33.

Abafana ba Senegal bari babukereye.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO