Shaddy Boo ati “Abagabo batekereza ko tuba dushaka imitungo yabo baribeshya”

Uwimbabazi Shadia wamenyakanye nka Shaddy Boo ku mbuga nkoranyambaga yavuze ko hari abagabo bajya batekerezako abagore babakunda bishakira imitungo yabo ariko ngo baribeshya cyane.

Muri iyi myaka usanga hari abakobwa babayeho ubuzima buhenze ariko wareba ugasanga nta kazi bafite. Ibi bamwe babyibazaho ariko wareba neza ugasanga batunzwe n’abagabo babaha amafaranga bakabakorera n’ibindi byo kubabeshaho.

Hari abo muganira ugasanga ribyo bitekerezo, ku buryo umubwiye ibyo gukora akazi mwahita muba abanzi.

Shaddy Boo abinyujije ku rubuga rwe rwa Twitter yavuze ko abatekereza nk’ibyo bibeshya cyane ko abakobwa benshi ibyo baba bashaka ku bagabo Atari iyo mitungo.

Ati “Abagabo bamwe batekereza ko abagore dushaka amafaranga, imodoka, n’impano. ‘Muribeshya’ icyo dushaka ni uko muduha umwanya, Kugira ishyaka, kuba inyangamugayo, kuba uwo kwizerwa, kudusetsa , hamwe no kudushyira mubyo mushyira imbere. Amafranga natwe dusigaye tuyafite.”

Abakurikirana uyu mutegarugori bagiye batanga ibitekerezo binyuranye gusa bamwe bagashimangira bavuga ibyo yanditse ari nka kwa kundi bavuga bati “Umva ibyo mvuga ariko nturebe ibyo nkora.”

Uwitwa Jean Imanishimwe yagize ati “Aha uhuje nababandi bavuga ngo:"umva ibyo mvuga arko ntukurikize ibyo nkora.”

Uwitwa Sincerely ati “Abagore bakunda umugabo ufite amafaranga ariko bagera mu rugo rwe bakirirwa baganya ngo ntabwo abaha umwanya. Abagabo bagira umwanya nta mafaranga bagira, hitamo kimwe kuko byose ntago wabibona.”

Uwitwa Astraunote ati “Wayakuye kubagabo…Ibyo babyita kurya ugahaga warangiza ukamena isahane nkahitazongera kurya, uwigize agatebo ayora ivu reka ube gold digger nabo bagufate uko nibyo wahisemo, abakobwa b’imitima agaciro turakabaha cyane.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO