Shakira ikizere yahaye umugabo we gisa n’ikirahure kimenetse ndetse umubano wabo uri mu marembera

Inkuru dukesha ikinyamakuru cyandikirwa mu gihugu cya Espagne cyitwa El Periodico ivuga ko umubano wa Gerrard Pique n’umuhanzikazi Shakira uri kugana mu marembera kubera ko Shakira ashinza umugabo we kumuca inyuma.

Umubano wa Shakira n’umukinnyi Gerrald Piques wari ushimishije benshi nyuma y’uko aba bombi bashakanye Shakira arusha umugabo we imyalka 10 ndetse ibi byakomeje gushimisha abantu benshi.

Gusa nta byera ngo de umubano waba bombi watangiye kuzamo agatotsi nyuma y’aho Skakira ashinjije umugabo we kumuca inyuma.

Uyu muhanzikazi yamenyekanye cyane mu ndirimbo ’Hips don’t lie’ yatangiye gukundana n’uyu mukinnyi w’umupira w’amaguru wabigize umwuga mu gikombe cy’isi cya 2010 cyabereye muri Afrika yepfo.

Birasa nkaho ibintu bitameze neza hagati yabo kuri ubu kuko hari amakuru avuga ko Pique yagarutse kuba mu nzu ye yabagamo akiri umusore mu mujyi wa Barcelona.

Nkuko byatangajwe na El Periodico, abantu benshi muri iyo nyubako babonye Pique ayinjiramo hanyuma anayisohokamo mu cyumweru gishize.

Biravugwa kandi ko Pique w’imyaka 35 amaze iminsi ari ishuti ya Riqui Puig w’imyaka 22 bakinana ndetse ariwe wamujyanaga gutereta bari kumwe n’itsinda ry’inshuti zabo.

Aya makuru akomeza avuga ko impamvu Pique atakiri mu rugo yabanagamo na Shakira ari uko yamufashe ari gusambana n’undi mugore.

Iyi ni yo mpamvu Pique na Shakira bahisemo gutandukana kuri ubu, mu gihe binavugwa ko uyu myugariro wa Barcelona asigaye ahora mu birori bidashira, nk’uko byatangajwe na El Periodico.

Ibi birori bya Pique na Puig ngo biba byiganjemo abakobwa benshi kandi ngo barabyina bakageza mu gitondo nka saa munani cyangwa saa cyenda.

Pique kandi ntakigaragara ku mbuga nkoranyambaga za Shakira, kuko uyu muhanzikazi yakundaga gushyira hanze amafoto y’abo bombi mu bihe byashize, ariko ubu bikaba biheruka muri Werurwe.


Shakira hamwe na Gerald Piques n’abana babo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO