Shakira yiyongereye ku bindi byamamare bitandukanye mu kuvugira abari n’abategarugori bo muri Iran nyuma y’urupfu rwa Mahsa Amini

Shakira nawe ni umwe mu byamamare byashyize ijwi hejuru mu gusabira ubwigenge busesuye abari n’abategarugori bo mu gihugu cya Iran nyuma y’urupfu rw’umukobwa w’imyaka 22 y’amavuko witwa Mahsa Amini wahowe ko atambaye ngo yikwize.

Kugeza aka kanya ibihumbi by’abaturage ba Iran bagiye ku mihanda itandukanye y’iki gihugu nyuma y’urupfu rwa Amini wahowe kwangiza amahame ya Islam akaza kujyanwa mu buroko akaza kugwamo.

Leta y’iki gihugu yatangaje ko uyu mukobwa atigeze akorerwa urugomo nyamara umuryango we mu gahinda kenshi watangaje ko yakorewe iyicarubozo dore ko ngo ku mubiri we hariho ibikomere bigaragaza ko yakubiswe kandi agatotezwa.

Umuhanzikazi w’icyogere ku Isi Shakira yerekanye amarangamutima ye kuri uyu mukobwa w’umuziranenge ndetse byatumye yandika kuri Instagram ye agira ati:
Umutima wanjye uri kumwe n’umuryango wa Amini Mahsa ndetse n’abandi bari n’abategarugori bose bo muri Iran ndetse ndabashimira bose kubwo guharanira ukwishyira ukizana

Angelina Jolie nawe yatanze ubutumwa bukomeye avuga ko ashmira cyane abaturage ba Iran ko bakunze guharanira uburenganzira bwabo ndetse bakarushaho gutsimbarara barwanira ukwishyira bakizana.

Kugeza aka kanya ibihugu bitandukanye byagaragaje ko bitishimiye uburyo Iran ifatamo igitsina gore ndetse ibihugu bimwe na bimwe byatangiye gushyiriraho ibihano bitandukanye igihugu cya Iran.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO