Sho Madjozi waririmbye ‘John Cena’ ashobora kuzareba umukino wa nyuma muri BAL

Umuhanzikazi ukomoka muri Afurika y’Epfo Maya Christinah Xichavo Wegerif uzwi mu muziki nka Sho Madjozi arifuza kuza mu Rwanda byibuze nawe akazareba umwe mu mikino ya BAL iri kubera I Kigali.

Uyu mukobwa w’imyaka 29 wamenyekanye cyane ubwo yakoraga indirimbo yise John Cena yatangaje ko yifuza kuza mu Rwanda nawe akareba imikino ya BAL iri kubera muri Kigali Arena.

Abinyujije ku rukuta rwe rwa Twitter yanditse agira ati “ Nkeneye kujya muri Kigali kubera irushanwa rya Basketball Africa League. Byibuze ku mukino wa nyuma.”

Uyu mukobwa w’umuraperi yerekanye ko umubyeyi we (Nyina) ari mu Rwanda muri iyi mikino. Aha yanditse n’ikinyarwanda ati “Waramutse Rwanda.”

Uyu mukobwa uvuka muri Afurika y’Epfo yakunzwe mu ndirimbo nka ‘John Cena, Huku, Jamani, Kona, Wakanda Forever, Changanya’ n’izindi nyinshi.

Atangaje ibi mugihe imikino ya Basketball Africa League igeze muri ½ kuko amakipe amwe yaraye asezerewe muri ¼ .

Biteganyijwe ko imikino ya ½ izaba ku munsi wo kuwa gatandatu taliki ya 29 Gicurasi 2021 naho umukino wa nyuma ukazaba kuya 30 uku kwezi.

Sho Madjozi yerekanye ko ashaka kuza mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO