Shyigikira itsinda rya ‘Imbaraga’ ribashe kwegukana Miliyoni 70 mu irushanwa ry’umuziki rya UN

Itsinda ry’abanyamuziki ryo mu Rwanda ryitwa Imbaraga riri mu irushanwa ryitwa ‘One World’ ryateguwe n’umuryango wabibumbye UN, aho uzaryegukana azahabwa amafaranga angana n’ibihumbi 70 by’Amayero.

Iri rushanwa rireba abahanzi bose ku Isi, gusa intego yaryo ni uguhitamo igihangano kiza ariko gifite n’ubutumwa bushishikariza abantu kuba Umwe. Uyu mwaka rizabera mu Budage.

Abahanzi ba mbere baratoranyijwe, mu barenze ijonjora rya mbere harimo n’itsinda ry’Abanyarwanda ryitwa Imbaraga.

https://genesisbizz.com/Abanyarwanda-bitabiriye-East-Africa-s-Got-Talent-bashinze-itsinda-1069

Elisha The Gift, Peace Hoziyana, Aline Intayoberana, Abana bitwa Uruyange hamwe n’itsinda ry’Abarundi rya Himbaza…Aba ni abishyizehamwe nyuma yo kuva mu irushanwa rya East Africa’s got talent.

Elisha The Gift uhagarariye iri tsinda avuga ko iyo ndirimbo bayikoze mbere ya Covid-19 gusa baza kumva ko ihura niyo nsanganyamatsiko baza kuyitanga muri iryo rushanwa.

Nyuma yo kurenga icyiciro cya mbere ubu aho bageze harimo indirimbo 200 biteganyijwe ko hazasigarama 30 nazo nyuma hakavamo izindi 10. Hazasigara 20 zizajya kuri Album ya UN gusa bahembe iza mbere eshanu (5).

Guhera taliki ya 2 Kanama nibwo hatangiye amatora, biteganyijwe ko azasozwa kuya 24 uku kwezi.

Ati “Ubu tugeze mugihe cy’amatora haba ku butumwa busanzwe cyangwa email. Ubifite byose watora kuko nta mafaranga bisaba.”

Ushaka kubashyigikira unyura ku rubuga rwa https://www.eineweltsong.de/en/voting/song/save-our-world Ukandika ijambo ‘Imbaraga Band’ ukajya ahanditse vote, ubundi ugahitamo niba ari ubutumwa bugufi ukoresha cyangwa se email bitewe nibikoroheye. Nyuma bahita baguha Code kuri Telefone yawe cyangwa email akaba ariyo ushyiramo ubundi ukaba urabashyigikiye nyuma yo kwemeza.

Iri rushanwa rizasorezwa mu Budage, indirimbo izaba iya mbere izahembwa ibihumbi 70 by’amayero, iya kabiri ihabwe ibihumbi 30 naho iya gatatu ihabwe ibihumbi 10 by’amayero.


Nyuma yo kuva muri East Africa’s got talent bishyize hamwe mu rwego rwo gufashanya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO