Si muri Afurika gusa ahubwo n’i Burayi birakabije mu kugira umubare munini w’abanyeshuri bayavamo

Ubushakashatsi buheruka kugaragaza ko abana miliyoni 244 bari hagati y’imyaka 6 na 18 ku mugabane wa Afurika batiga mugihe 40% muri bo batuye mu bihugu biri munsi y’ubutayu bwa Sahara, Nyamara iki kibazo n’i Burayi naho nticyoroshye.

Ese kuva mu ishuri bisobanurwa bite ?

Kuva mu ishuri bisobanurwa nk’igihe abana bari hagati y’imyaka 18-24 bamara igihe cy’ibyumweru (4) bine byikurikiranyije batagaragara ahatangirwa amasomo basanzwe bigira yaba ku mashuri cyangwa kuri murandasi.

1.Turukiya
Iki gihugu gisangwa mu majyepfo ashyira Uburasirazuba bw’Uburayi, Ubushakashatsi buheruka bwagaragaje ko umubare w’abanyeshuri bava mu ishuri muri Turukiya ungana na 37.5%.

2.Esipanye
Iki gihugu gisangwa mu majyepfo ashyira Uburengerazuba bw’Uburayi, Ubushakashatsi buheruka bwagaragaje ko umubare w’abanyeshuri bava mu ishuri muri Esipanye ungana na 23.6%.

3. Malta
Malta isangwamo abanyeshuri bavuye mu ishuri bangana na 20.8%.

4.Iceland
Iki gihugu gisangwa mu majyaruguru y’Uburayi, Ubushakashatsi buheruka bwagaragaje ko umubare w’abanyeshuri bava mu ishuri muri Esipanye ungana na 20.5%.

5.Portugal
Iki gihugu umubare w’abava mu ishuri ungana na 19.2% nk’uko biheruka kugaragazwa mu bushakashatsi.

Ubushakashatsi bwakozwe n’umuryango w’abibumbye bwagaragaje ko bamwe mu banyeshuri bava mu mashuri bitewe n’ibibazo bitandukanye birimo kubura ibiribwa bihagije cyangwa se bamwe ugasanga imico y’ibihugu byabo itemerera ibitsina runaka kutajya mu ishuri nk’abakobwa aho basigazwa inyuma, abandi bagakoreshwa imirimo yo murugo cyangwa bagashyingirwa imburagihe.

Mu bihugu byo mu mahanga abandi bagerwaho n’ibibazo birimo ironda ruhu n’itoteza cyane cyane bitewe n’ibara ry’uruhu bigatuma bikura mu mashuri cyangwa ibibazo bitandukanye by’imiryango yabo bituma bananirwa kwiga bakikura mu mashuri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.