Si ubwiza gusa ahubwo aranabahiga mu butunzi Rihanna aciye agahigo gakomeye muri Amerika mu batunze agatubutse (AMAFOTO)

Umuhanzikazi w’icyogere muri Leta zunze ubumwe za Amerika ariwe Rihanna kuri ubu yamaze gukora amateka akomeye nyuma yo kugirwa umuherwekazi wa mbere utunze agatubutse muri Leta zunze ubumwe za Amerika ariko ukiri muto aho afite imitungo ibarirwa muri Miliyari 1.4 mu madorari ya Amerika.

Uyu muhanzikazi aciye aka gahigo nyuma y’aho ikinyamakuru Fobes gikoreye isesengungura ryimbitse maze ku rutonde ngaruka mwaka rw’iki kinyamakuru ruza kwerekana ko Rihanna afite imitungo igera kuri Miliyari 1.4 mu madorari ya Amerika ndetse bituma aba umuherwekazi wa mbere uri munsi y’imyaka 40 uciye aka gahigo.

Ubusanzwe Rihanna amazina ye nyakuri yitwa Robyn Fenty akaba umwe mu bahanzikazi baza ku gasongero mu muziki ku isi ndetse kuri ubu inkuru ye ikomeje kuvugisha benshi nyuma yo guca aka gahigo.

Magingo aya Rihanna afite imyaka 34 y’amavuko ndetse byatangaje benshi ukuntu uyu muhanzikazi aciye aka gahigo ko kugirwa umuherwekazi wa mbere utunze agatubutse ari munsi y’imyaka 40.

Ikinyamakuru cya Forbes gikora isesengura rihambaye ku mitungo y’ibyamamare kivuga ko Rihanna umutungo we awukesha kompanyi 3 ze yashinze harimo Savage x Fenty ikora imyenda y’igitsinagore ihagaze ifite agaciro ka miliyoni 270 z’amadolari n’ibindi bitandukanye.


Bivugwa ko kandi izindi kompanyi ze nka Fenty Beauty hamwe na Fenty Skin nazo ziri muri kompanyi ziri kuzamura cyane ubutunzi bwa Rihanna muri Amerika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO