Si uwa mbere dutandukanye mufata nk’abandi - Miss Vanessa avuga ku mukunzi we batandukanye

Miss Uwase Vanessa Raissa wambitswe impeta nyuma akaza gutandukana n’uwo bagombaga kuzabana yashyize agaragaza amarangamutima ye ndetse n’uko asigaye afata Putin.

Vanessa wabaye igisonga cya mbere cya Nyampinga w’u Rwanda 2015, ni umukobwa ukunze kuvugwa cyane mu nkuru z’urukundo dore ko atajya abigira ibanga.

Nyuma yo gutandukana na Putin Kabalu ukomoka muri Repubulika iharanira demokarasi ya Congo yagize icyo amuvugaho ndetse n’uko basigaye babanye. Ni mukiganiro yakoranye n’umunyamakuru Dashim wo kuri City Radio.

Yavuze ko ubu atekanye ntakibazo kandi ko uwo bahoze bakundana ubu amufata nk’umuntu usanzwe nk’abandi bose.

Ati "Nibyo twarakundanye turanatandukana, gusa nta kintu kidasanzwe namuvugaho uretse kuba yari umukunzi wanjye ni umuntu usanzwe mufata nk’umuntu twakundanye tugatandukana nkuko hari n’abandi twatandukanye."

Tariki 08 Nzeri 2020, Vanessa yatangaje ko yari agiye kwiyahura ariko akabuzwa n’umubyeyi we. Icyo gihe yari abitewe n’uko yatandukanye n’umukunzi.

Miss Vanessa yanditse agira ati “Iyo bitaza kuba ku bwa mama n’umuvandimwe wanjye nari kuba niyahuye! Ndananiwe ndarushye kwihangana birananiye kuri iyi si”!

Umwe mu nshuti ze za hafi avuga ko Vanessa yagerageje ibishoboka byose ngo asubirane n’umukunzi we Kabalu ariko bikanga bikaba iby’ubusa, bikamuviramo agahinda gakabije (depression).

Kabalu Putin azwi kuri instagram nk’umucuruzi ufite amafaranga ukorera ubucuruzi bwe hagati y’u Rwanda, DR Congo na Tanzania, aho atuye.

Byavuzwe ko mbere y’uko Miss Vanessa atekereza kwiyahura yabanje kujya muri Tanzania kugerageza kureba uko yasubirana n’umukunzi we agasanga umusore atabirimo.

Batandukanye yaramwambitse impeta

Kugeza ubu nta n’umwe uratangaza ko yaba yarabonye undi mukunzi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO