Sintex agiye gusohora filime itagira amajwi yayobowe na Se

Umuhanzi Sintex Kabera Arnord agiye gusohora filime yise “Stuation” izaba idafite amajwi ifite inkuru ivuga ku mwana wanyuze mu buzima bukomeye benshi bagiye birengagiza abandi bakanamuhemukira.

Ubwo yaganiraga na Genesisbizz/TV Sintex yavuze ko iyi filime ye izasohokana n’indirimbo nshya izaba ari iyambere muri uyu mwaka wa 2021.

Ati “Iyi filime ninjye wayanditse gusa izaza nta majwi ifite ahubwo ubusobanuro bwayo kuzaba buri mu mashusho.”

Inkuru y’iyo filime ngo izaba ari iy’umwana wahuye n’ubuzima bumukomereye aho benshi mu bamubona bazajya bamwirengagiza ndetse n’abandi bagashaka kumuhemukira ariko nyuma akaza guhura n’umuntu akamuhindurira ubuzima.

Iyi filime azayisohorera rimwe n’indirimbo nayo yitwa “Situation” aho azaba ari gushishikariza abantu kugira urukundo bakaba abantu beza kuko ngo kubaho ku Isi twishimye ari ukugira ibyo byose.

Ati “Byaryoha cyane mugihe buri wese abashije gushimisha uwo yabasha gushimisha, cyanee ko mubihe nk’ibi bya corona no mu buzima busanzwe dukeneranye cyane.

Kandi ufite byinshi akaba yafasha udafite cyangwa agahumuriza ubabaye bityo ibyo duhugiramo nti tubirutishe cyane urukundo kubera ko nyuma y’ibyo byose icyo umuntu akenera ni umuntu.

Iyo ndirimbo ye mu buryo bw’amajwi yatunganyijwe na Producer Element, amashusho yo akorwa na Bob Chris Raheem. Filime niwe wayiyandikiye ariko iyoborwa na Se umubyara “Mazimpaka Jonnes Kennedy” iterwa inkunda n’uwitwa Keza Shadia.

Iyo filime nshya ya Sintex izaba yitwa Situation
Filime ya Sintex yayobowe na Se uzwi cyane muri sinema Nyarwanda - Mazimpaka Jonnes Kennedy

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO