Sobanukirwa Omicron Virusi nshya ya covid-19 ihangayikishije isi

Hashize iminsi hirya no hino ku isi humvikana ubwihindurize bushya bw’icyorezo cya covid-19 bwiswe Omicron.

Ibihugu byinshi byamaze gushyiraho ingamba zikomeye zo gukumira abantu baturuka mu bihugu byamaze kugaragaramo ubu bwandu bushya bw’icyorezo cya koronavirusi. Muri iyi nkuru tugiye kugaruka ku buryo ubu bwihindurize bushya buteye ndetse turarebera hamwe itandukaniro ryabwo n’ubuheruka kugaragara bwiswe delta.

Muri iyi nkuru tugiye kugaruka ku buryo ubu bwihindurize bushya buteye ndetse turarebera hamwe itandukaniro ryabwo n’ubuheruka kugaragara bwiswe delta.

Nkuko abantu bagiye bahura n’ubwihindurize uko imyaka yagiye ishira indi igataha,
icyorezo cya koronavirusi nacyo gikomeje kwihinduranya mu bantu.

Igihe inkubiri y’ubwihindurize bwa koronavirusi buheruka, ubwiswe delta bwibasiraga isi, Icyo gihe ubu bwihindurize bwishe abantu babarirwa mu bihumbi magana hirya no hino ku isi.

Icyo gihe ibyo biba, iyi delta yari yahuye n’impinduka 13, bisobanuye ko mu turemangingo-ndangasano twayo yari yahuye n’impinduka 13 gusa.

Igiteje ibibazo abashakashatsi kugeza uyu munsi, ni uko ubu bwihindurize bushya bwiswe omicron bwo bwahuye n’impinduka nyinshi mu turemangingo-ndangasano twayo.

Abashakashatsi bamaze kuvumbura impinduka zisaga 50 mu turemangingo ndangasano tw’iyi virusi nshya ya covid-19 itera ubwihindurize bise omicron.

Dore zimzwe mu mpinduka nshya zagaragaye muri Omicron :

1. Impinduka ya mbere yagaragaye muri iyi virusi ni uburyo yandura.

2. Izindi mpinduka zirimo uburyo yihisha mu mubiri w’uwayanduye kuburyo bitoroha kuyibona.

Isi yose ihangayikishijwe n’ibintu bibiri :

1. Ese iyi nkubiri y’icyorezo cya covid-19 yiswe Omicron, yaba izagira ingaruka zikomeye ku bantu bamaze guhabwa inkingo za koronavirusi, ku buryo izabasha guca intege ubwirinzi bwubatswe n’izi nkingo ?

2. Ese ubu bwihindurize buzandura ku wuhe muvuduko ?

Kugeza uyu munsi ibihugu bitandukanye nka leta zunze ubumwe za amerika zahise zishyiraho amabwiriza mashya akumira ingendo z’abantu bava muri Afurika yepfo n’ibihugu byegeranye nayo byagaragayemo ubu bwishindurize bushya bwa covid-19 bitwa omicron.

Mu gihe tugihanganye n’icyorezo cya koronavirusi,Tugirwa inama zikurikira:

1. Kwambara neza agapfukamunwa, gapfutse umunwa, amazuru n’akananwa.

2. Kwibuka gusiga intera nibura ya metero igihe cyose turi ahahurira abantu benshi.

3. Kwibuka gukaraba intoki n’amazi meza n’isabune cyangwa tugakoresha umuti wabugenewe igihe cyose twakoze ahantu tutizeye kandi hakorwa n’abantu benshi nko ku miryango y’inzu rusange cyangwa imodoka rusange cyangwa se twafashe amafaranga mu ntoki .

4. Kwibuka kwishyura ukoresheje uburyo bw’ikoranabuhanga.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO