Sobanukirwa byinshi kuri Saint Valentin umunsi abakobwa basaga 16,000 batwaraho inda abandi bagacuruza bikomeye

Benshi bizihiza umunsi wa saint valentin nk’umunsi w’abakundana nyamara siyo nkomoko yawo. Kuri uyu munsi byagaragaye ko abakobwa basaga 16,000 batwaraho inda ndetse abacuruzi bakunguka bikomeye bitewe n’ibintu bigurwa ku bwinshi kuri uyu munsi.

Buri mwaka kuri uyu munsi ugurishwaho amamiliyari y’indabyo n’impapuro z’amakaratasi zanditseho ubutumwa bwiza zisaga miliyoni 8 na bombo ziryohera byose bifite agaciro gasaga miliyari 2 na miliyoni 400 z’amadolari ya Amerika nk’uko ubushakashatsi bwo muri 2020 bubyerekana.

Igitangaje nanone kuri uyu munsi ni uko abakobwa basaga 16,344 batwaraho inda nk’uko tubikesha ubushakashatsi bwakozwe mu 2015, bugaragara ku rubuga rwa Balancing Everything.

Buri tariki 14 Gashyantare buri mwaka, isi yose yizihiza umunsi wa Saint Valentin,
Ni umunsi usobanurwa nk’umunsi wahariwe abakundana aho bagaragarizanya urukundo rw’akadasohoka.

Gusa nyamara iyo dusubiye inyuma mu mateka usanga uyu munsi inkomoko yawo idafite aho ihuriye n’abakundana.

Ubusanzwe Saint Valentin yari umupadiri w’Umuromani akaba n’intiti mu bugenge, Uyu yaje kwicwa ahowe Imana, igihe abakristu bicwaga ku ngoma y’umwami w’abami Claudius wa II ahagana mu mwaka wa 270.

Mu bindi Valentin yazize harimo gusezeranya abakundana mu ibanga, ibi bikaba byaratumaga abagabo basezeranye n’abagore batajya kurwana intambara ku rugamba kuko zajyagamo ingaragu gusa.

ibi byose byarakaje cyane bikomeye umwami Claudius wa II biza gutuma afata umwanzuro wo kwica Valentin.

Mbere yo kwicwa , Valentin yandikiye ibaruwa umukobwa w’umwami Claudius wa II aho yari yarabaye inshuti ye nyuma yo kumuvura ubuhumyi.

Ku ibaruwa yamwandikiye yarayisinye yandikaho ati, bivuye kuri Valentin wawe.

Icyo gihe abantu benshi batunguwe n’urukundo Valentin yagiraga kuburyo yemeye gufasha umwana w’umwami kandi yaramufunze mu buroko akanamusabira igihano cy’urupfu.

Nyuma yo kwicwa, uyu munsi washyizweho mu rwego rwo kwibuka abapadiri babiri bishwe bahowe Imana aribo Valentin wa Roma na Valentin wa Terni.

Nyuma yo kwicwa aba bagizwe abatagatifu na Kiliziya Gatolika.

Umunsi wa Saint Valentin, ishusho yawo yo kwibuka aba batagatifu bahowe Imana isa n’iyamaze kwibagirana, ahubwo wabaye umunsi w’abakundana hagati yabo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO