Sobanukirwa ifunguro ukwiye gutegurira umugore wawe mu gihe atwite

Abagore batwite bakunze kugira ibibazo bitandukanye by’uburwayi cyangwa ugasanga no mu gihe cyo kubyara umwana avukanye ibibazo bitandukanye bijyanye n’ubuzima budahagaze neza.

Iyi niyo mpamvu ukwiye kumenya amafunguro wategurira umugore wawe mu gihe atwite kugirango amererwe neza ndetse abyare umwana ufite ubuzima buzira umuze.

Reka tugaruke ku biribwa ushobora kwifashisha bityo ugategurira umugore wawe ifunguro ryuje intungamubiri.

1.Ibishyimbo

Ibyishyimbo mu moko yabyo bikungahaye ku ntungamubiri zitandukanye kuko bikingahaye kuri fibre na poroteyine kurusha ibindi biribwa byose.

Ibishyimbo kandi bikungahaye ku myunyu ngugu ya Zinc na Calcium ndetse na vitamini B9 yifashishwa cyane mu mikurirre y’umwana uri munda bityo nta kabuza rero ibishyimbo ni inyamibwa ku mubyeyi utwite.

2.Amagi

Amagi akungahaye cyane ku myunyungugu itandukanye ndetse by’umwihariko akungahaye kuri Poroteyine.

Umwana uri mu nda akura byihuse ndetse buri karemangingo kose k’umwana gakozwe na poroteyine ndetse n’umugore utwite aba akeneye poroteyine.

Mu magi dusangamo ibinyabutabire bitandukanye bizwiho kugira uruhare mu mikurire y’ubwonko bw’umwana uri munda.

3.Ibijumba

Mu bijumba habamo ikinyabutabire cyitwa Carotenoids ndetse iyo kigeze mu mubiri wacu gihindukamo Vitamini A.

Vitamini A mu mubiri wacu hari abavuga ko iyo ari nyinshi bishobora guteza ikibazo gusa kuri Carotenoids yo iyo igeze mu mubiri wihitiramo iyo ukeneye ubundi izindi umubiri ukazisohora bityo bigatuma ugira Vitamini A zitaguteza ibibazo, ibijumba kandi bikungahaye kuri Vitamini C, Fibre ndetse na Vitamini B9 aho ibi byose ari ingenzi cyane ku mugore utwite.

4.Imboga

Imboga cyane cyane zifite ibara ry’icyatsi ni ingenzi cyane ku buzima bw’umugore utwite kuko ni isoko nziza ya Vitamini A, B9,C,k, ndetse habonekamo n’intungamubiri zinyuranye ndetse izi mboga zinafasha mu mikorere myiza y’amaso ku mugore utwite.

5.Inyama

Inyama cyane cyane iz’inka ni ingenzi cyane ku mugore utwite kuko izi nyama iyo zitarimo ibinure zibonekamo poroteyine yitwa Lean ifasha cyane umugore utwite kugirango umubiri ugumane imbaraga gusa ni byiza ko umugore utwite atazirya kenshi ngo birenze urugero kuko nabyo bishobora kumugwa nabi.

6.Imbuto

Kurya imbuto z’ubwoko bunyuranye nibyiza cyane kuko bizanira umubiri w’umubyeyi n’umwana we intungamubiri zinyuranye aho usangamo Vitamini hafi ya zose uretse vitamini ya B12 iboneka mu biva ku matungo gusa.

Ubushakashatsi bwerekanye ko kurya imbuto zinyuranye mu gihe umugore yegereje kwibaruka bituma umwana amenya icyanga cyazo bityo binyuze mu ruzi umwana aba arimo dore ko ari narwo anywa (Omniotic Liquid) .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO