Sobanukirwa impamvu isi y’uyu munsi yibasiwe n’umubyibuho ukabije kurusha ibindi bihe byahise

Usubije amaso inyuma nko mu myaka 30 ishize ntabwo abantu bari bafite ibibazo by’umubyibuho ukabije nk’uko bigaragara uyu munsi, Ndetse benshi babaga bafite iki kibazo nibura wasangaga ari abantu bakuru gusa iki kibazo cyamaze no kugera mu bana bato.

Umubyibuho ukabije ni kimwe mu bibazo bihangayikishije isi aho nibura abasaga 2,800,000 buri mwaka bazira ibibazo biwushamikiyeho.

Tuvuga ko umuntu afite umubyibuho ukabije iyo igipimo cye cya BMI iri hejuru ya 25.

BMI ni iki ?

BMI ni impine y’amagambo y’icyongereza avuga Body Mass Index, igasobanurwa nk’ingano y’ibiro byawe hashingiwe ku burebure bwawe. Bishatse gusobanura ko ibiro byawe bikwiye kujyana n’uburebure.

Umuntu ushyitse agira BMI = (18.5- 24.9)
Umuntu utangiye kugira ibiro by’umurengera agira BMI=(25.0 -29.9)
Umuntu ufite umubyibuho ukabije cyane agira BMI= (< 30)

Ni gute wamenya BMI yawe ?

Kumenya BMI yawe ufata ibiro byawe ukagabanya uburebure bwawe bufite ubwikube bw’inshuro ebyiri.
ICYITONDERWA: Uburebure bwawe bugomba kuba buri muri metero.

URUGERO
Ibiro: 70 kg
Uburebure: 170 cm=1.70m

ABIBASIWE N’UMUBYIBUHO UKABIJE KURUSHA ABANDI


Imibare: OECD Health Data 2005

Ese ni mpamvu ki isi yibasiwe n’umubyibuho ukabije cyane uyu munsi kurusha ibindi bihe byabayeho?

Ishami ry’umuryango w’abibumbye ryita ku buzima (OMS/WHO) ritangaza ko ikibazo cy’umubyibuho ukabije gikomeje kwiyongera kubera abantu barya amafunguro akungahaye ku binure n’amasukari menshi uyu munsi kurusha ikindi gihe mu mateka.

Aha hiyongeraho ubuvumbuzi bw’ubwikorezi aho abantu batakigenda n’amaguru ahubwo bakoresha imodoka ndetse umubare w’abakora imyitozo ngororamubiri ukaba uri hasi bitewe n’iterambere rituma abantu bahora bahuze kongeraho n’umwanya muto wo gutegura amafunguro aho benshi bahitamo kurya amafunguro yatunganyirijwe mu nganda.


Guhindura imyitwarire n’iterambere nibyo bituma umubyibuho ukabije ukomeza kwiyongera

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.