Sobanukirwa inkomoko y’umunsi mpuzamahanga wahariwe abarimu wizihizwa tariki 5 Ukwakira buri mwaka

Buri mwaka tariki 5 Ukwakira, isi yizihiza umunsi mpuzamahanga wahariwe abarimu,
Abarimu uwavuga ko ari abantu b’ingenzi ntiyaba abeshye, Nibo baduha ubumenyi, Ariko se imvo n’imvano y’uyu munsi yaba ari iyihe ?

Tariki 5 Ukwakira ni umunsi mpuzamahanga wahariwe abarimu, uyu munsi washyizweho mu rwego rwo kuzirikana ubwitange abarimu batanga, imbaraga bakoresha n’uruhare rukomeye bagira mu gutanga uburezi ku muryango mugari n’abanyeshuri bose muri rusange.

Nanone kandi uyu munsi iyo wizihizwa hazirikanwa uruhare rukomeye abarimu bagira mu gukarishya ubumenyi bw’abanyeshuri no kumenya neza ko bafite ibisabwa byose bizabafasha guhangana ku isoko ry’umurimo.

Dusubiye inyuma mu mateka, ku itariki 5 Ukwakira 1994, nibwo iyi tariki yashyizweho nk’umunsi mpuzamahanga w’abarimu nyuma yo kubisabwa na UNESCO (ishami ry’umuryango w’abibumbye rishinzwe uburezi, ubushakashatsi no gusigasira umuco n’ibikorwa ndangamurage).

Ubumenyi bwose uyu munsi dufite, tubukesha abarimu runaka batwigishije, biragoye ko dushobora kumenya ibintu runaka tudafite umuntu wadufashije kubyiga nawe wigishijwe n’undi muntu, uru ruhererekane nirwo rutuma nanone hazirikanwa imbogamizi mwarimu ahura nazo mu buzima bwe bwa buri munsi bugendanye n’umwuga akora.

Insanganyamatsiko y’uyu mwaka mu kwizihiza umunsi mpuzamahanga wahariwe abarimu igira iti: " Iterambere ry’uburezi ritangirana n’abarimu."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO